“Sony Music” си го бара својот дел од музичкиот колач во Македонија!

Добивај вести на Viber

Светската продуцентска куќа Sony Music од нова година ќе добие своја канцеларија во Македонија.  Станува збор за една од најголемите музички компаниии, практично, таа е втората по големина музичка корпорација на светскиот пазар. Со нејзиното доаѓа на пазарот во Македонија,  се отвара прашањето кое многумина го поставуваа, а се однесуваше на исплатата на авторските права на светските музички имиња за што лиценцирано во земјава  досега наплаќаше само  ЗАМП. Ова прашање е особено актуелно и поради новото здружение ММИ кое пак ќе се грижи за оставрување на колективните права. Со доаѓањето на "Sony Music" нашите здруженија добиваат и конретна конкуренција која ќе се обиде да добие свој дел од колачот. Проблемите за авторските и сродните права во музичкиот свет, не се само наши, туку и глобални. Последниве  години и Меѓународната федерација на фонограмската индустрија открива дека се соочува со пад на продажбата на снимени музички дела. Токму поради овие  причини тие се одлучуваат да ги намалат административните трошоци. Деновиве интензивно се разгледуваат ваквите искуства во светски рамки со цел да бидат искористени нивните ефекти на домашен терен. Стопанската комора сака да го оспори тарифникот за плаќање на слушањето музика. Токму поради тоа иницираа тело кое ќе биде задолжено за собирање потписи од сите засегнати субјекти, а потоа ќе достави барање за измени на Законот за авторски и сродни права до Собранието на РМ. Оваа продуцентска куќа  соработува со најголемите меѓународни музички ѕвезди. Во нивниот каталог можат да се пофалат дека поседуваат некои од најважните музички снимки во историјата.  Под нејзиното име се наоѓаат неколку светски реномирани музички куќи меѓу кои се: Arista Nashville, Beach Street Records, Bystorm Entertainment, Columbia Nashville, Columbia Records, Day 1, Epic Records, Essential Records, Flicker Records, Kemosabe Records, Legacy Recordings, MASTERWORKS, Polo Grounds, RCA Records, RCA Nashville, Reunion Records, Roc Nation, Sony Classical, Sony Music Latin, Star Time International, Syco Music, Verity Music Group and Volcano. Sony Music досега имаат свои канцеларии во 42 земји ширум светот.