(ФОТО) Сообраќајка меѓу три возила на автопатот Тетово - Гостивар
Објавено во: Македонија 02 Август, 2019
Од Авто мото сојузот на Македонија информираа дека се пренасочува сообраќајот на автопатот Тетово-Гостива, возилата се пренасочуваат од 07:20 часот утрово, по регионалнот пат од петла Богоциње кон петла Пирок.
Според социјалната група„Ѕид на сообраќајниот срам“ и коментарите на граѓани кои патуваат по овој пат, сообраќајот бил заглавен, поради сообраќајна незгода која се случила меѓу три возила, после третата наплатна рампа.
Граѓаните пишуваат дека, со пренасочувањето, за 15 до 20 минути се стигнува до Гостивар.
Неофицијално неколку лица се здобиле со полесни повреди, а полициски екипи се на местото на настанот и вршаат увид.
Повеќе информации, очекуваме во текот на денот од МВР.
Фото Фејсбук