Состанок на ЕУ посветен на скандалот со коњското месо
Објавено во: Агробизнис 13 Февруари, 2013
Вонреден состанок ќе одржат министрите за земјоделство на земјите-членки на ЕУ попладнево во Брисел, посветен на скандалот со откривањето примероци на ДНК од коњи во говедското месо.
Како што јави ДПА, од средбата, на која ќе присуствува и еврокомесарот за здравство Тонио Борг, не се очекуваат никави конкретни мерки во врска со овој скандал.
По избувнувањето на аферата кабинетот на Борг соопшти дека нема сознанија за опасност по здравјето на граѓаните. - Не говориме за прашање поврзано со сигурноста на храната... Во оваа фаза каква и да било забрана не би била соодветна, изјави портпаролот на Борг.
Аферата избувна по откривањето на примероци на коњско месо во месни говедски производи на компаниите „Финдус“ и „Комижел“ во супермаркети од Франција и Велика Британија, кои веднаш беа повлечени од продажба. Во целиот синџир за набавка на спорното месо биле вклучени фирми од Франција, Луксембург, Романија, Ирска, Кипар и Холандија.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
