СПАСОВСКИ, ОСМАНИ, ФИЛИПЧЕ - сите вчера беа во контакт со кумановскиот градоначалник Димитриевски, кој е позитивен на вирусот

Добивај вести на Viber

Премиерот Оливер Спасовски, вицепремиерот Бујар Османи, но и министерот за здравство Венко Филипче, како и други владини и општински функционери, вчера беа во контакт со кумановскиот градоначалник, Максим Димитриевски, кој денеска објави дека е позитивен на коронавирусот.

Иако на сите фотографии од состанокот на Кризниот штаб и од изјавите што беа дадени после тоа може да се види дека сите присутни користат маски и ракавици, како и дека и седат и стојат на безбедна раздалеченост, најверојатно сите учесници на вчерашниот настан во Куманово ќе мора да се тестираат на коронавирусот, како и да поминат одреден период на самоизолација. Но, за тоа попрецизно ќе кажат надлежните здравствени власти.

Градоначалникот на Куманово, Максим Димитриевски, е заразен со корона вирусот.

„Почитувани сограѓани, драги пријатели,  сега ги добив најновите резултати за новите позитивни лица во Куманово, вкупно четириесет мои драги сограѓани помеѓу кои сум и јас. Ве охрабрувам заедно и дисциплинирано да продолжиме во борбата против оваа заедничко зло, знам дека ќе го победиме, убеден сум во тоа, ве молам за воздржаност, нема простор за паника, барам од вас дисциплина, почитување на мерките и препораките за социјална дистанца.

Ве молам, од душа и срце ВЕ МОЛАМ, почитувајте ги мерките, избегнувајте ги блиските контакти, здравјето ни е најбитно, така ќе победиме сите.
Нема простор за паника, ОШЗС ќе продолжи со својата работа во борба против Короната по препораките на епидемиолозите и стручните лица.
Чувајте ми се и мислете и на себе и на своите најблиски, мислете на сите околу вас, јас останувам со вас до конечна победа!, напиша градоначалникот на фејсбук.