Спасовски: За неколку дена ќе го имаме идентитетот на лицето кое го вееше знамето на Голема Албанија
Објавено во: Македонија 01 Септември, 2023
За неколку дена ќе го имаме идентитетот на лицето кое го вееше знамето на Голема Албанија, вели министерот за внатрешни работи, Оливер Спасовски.
Тој денеска изјави дека полицијата има прибрано добри оперативни сознанија во врска со лицето кое го вееше знамето на Голема Албанија во Тетово на пречекот на косовскиот премиер, Албин Курти. Одредени лица веќе се таргетирани и за неколку дена ќе го имаат идентитетот на лицето.
„Кога ќе дојде моментот, ќе ги добиете сите информации. Истрагите не се водат преку медиумите. Тие се водат преку институциите“, изјави денеска Спасовски.
Овој настан привлече внимание и во регионот, посебно во Србија каде одредени аналитичари рекоа дека Курти го покажал своето вистинско лице во Македонија. Македонските државни симболи немаше на настанот, за што од општината се повикани месецов на суд.