04 Јуни, 2020
0.0200

Спие ли мирно Слободан Кутревски?

Објавено во: Економија 11 Јули, 2019

Од записникот од собранието се гледа дека иако реагирале малите акционери дури и се заканиле дека заради кршење на нивните права ќе поднесат тужба Кутревски ја изгласал одлуката со која сам на себе акционер на директор си подели награда до 72 милиони денари односно 1,17 милиони евра. Што ги чека малите акционери ако овој преседан стане правило и ако ова почнат да го прават други мнозински акционери во домашните фирми чии акции котираат на берза?

„Пекабеско“ е најголемиот преседан на 25 годишната македонска корпоративна историја. Дали Слободан Кутревски е најалчниот и најбезобзирен директор чие алтер его е најголем поединечен акционер во најголемата македонска месна индустрија? Овој човек сам на себе си додели награда за успешно работење од 1,17 милиони евра (бруто износ) и со тоа направи преседан според кој повеќе од 60 отсто од добивката ја доделува за награда сам на себе. Притоа ниту еден друг од менаџерскиот тим не добива награда и ниту еден акционер не добива дивиденда.

Од записникот на собранието се гледа дека малицнски акционери реагирале на овој предлог и дека барале друштвото да не носи ваква одлука со која ќе го наруши својот углед и имиџ. Но тоа не поминало кај членовите на семејтсвото Кутревски присутни на собранието. Тие опонирале дека одлуката е законска и дека за тоа добиле потврда со писмо и од Комисијата за хартии од вредност. Кога малите акционерите најавиле дека ќе тужат за да докажат дека се обесправени затоа што дивиденда не се дели, а се дава награда на само еден директор претставниците на семејството Кутревски рекле дека се подготвени и за судски процес во кој ќе ја докажат легитимноста на својата одлука.

За одлуката има 26.959 гласа за и уште 724 гласа против. Слободан Кутревски доби награда од 1,17 милиони евра за своето работење со кое лани на друштвото му донел добивка од 1,94 милиони евра. Од бројките се гледа дека 60 отсто до целата добивка на „Пекабеско“ е награда за „супердиркеторот“ Слободан Кутревски. Повеќе од сигурно е дека ако овој преседан стане правило при распределба на добивките за кратко време Македонската берза за хартии од вредност ќе банкротира, а експертите од Комисијата за хартии од вредност ќе нема што да работат ниту пак некој ќе има потреба од нивата експертиза.

„Фактор“ во интерес на целосно и објективно информирање на инвеститорската заедница побара објаснување на овој случај од КХВ и одговорот што ќе го добиеме од таму ќе го објавиме во целост.

Целиот записник од Собранието е достапен на СЕИ НЕТ платформата на Македонската берза за хартии од вредност. 

Р.Ф. 

Можеби ќе ве интересира

ИНТЕРВЈУ ЏАМБАЗОВСКА: Здравственото осигурување на „Кроација“ покрива лекување во која било домашна болница, но и приватни клиники од Европа

ИНТЕРВЈУ ЏАМБАЗОВСКА: Здравственото осигурување на „Кроација“ покрива лекување во која било домашна болница, но и приватни клиники од Европа

Драги Рашковски им одговарал на странските менаџери за владините мерки и за условите за стратешките инвеститори

Драги Рашковски им одговарал на странските менаџери за владините мерки и за условите за стратешките инвеститори

Дали пандемијата ќе ги поскапе занаетчиските услуги?

Дали пандемијата ќе ги поскапе занаетчиските услуги?

Ватростална стана сопственик на Вардар, европскиот првак започнува од ново со променето име и 25.000 евра

Ватростална стана сопственик на Вардар, европскиот првак започнува од ново со променето име и 25.000 евра

Битиќи VS Лазаров: Ќе му помогнат ли ваучерите на домашниот туризам

Битиќи VS Лазаров: Ќе му помогнат ли ваучерите на домашниот туризам

На земјите во развој им треба економско закрепнување, советува Светска банка

На земјите во развој им треба економско закрепнување, советува Светска банка

ЕКОНОМИИТЕ ЗАКРЕПНУВААТ: Скокна цената на нафтата

ЕКОНОМИИТЕ ЗАКРЕПНУВААТ: Скокна цената на нафтата

РАСТЕ НЕВРАБОТЕНОСТА ВО ЕУ И ЕВРОЗОНАТА: Најпогодени младите во Шпанија, Франција и Италија

РАСТЕ НЕВРАБОТЕНОСТА ВО ЕУ И ЕВРОЗОНАТА: Најпогодени младите во Шпанија, Франција и Италија

НАСКОРО САМИ ЌЕ МОЖЕ ДА ПРОВЕРИТЕ - еве каде да видите дали сте добитници на државната платежна картичка

НАСКОРО САМИ ЌЕ МОЖЕ ДА ПРОВЕРИТЕ - еве каде да видите дали сте добитници на државната платежна картичка