Добивај вести на Viber
Венчавката на Фабиола Беркаса и Џејсон Бекман во Дубровник ја пренесоа многу светски медиуми како „свадба на годината“, но месеци по свадбениот спектакл зад нив останаа само долгови.
Беркаса е позната филмска продуцентка, додека нејзиниот сопруг e менаџер на фонд, па нивната свадба од соништата и се очекуваше да биде луксузна церемонија.
Сепак, тие на крај си заминале од Дубровник, без да платат за осветлување, сценографија и озвучување, за што останале должни стотици илјади куни.
Еден локален весник во Дубровник ги контактирал оштетените фирми Слишко д.о.о. и Елдра д.о.о., кои работеле на организацијата на „свадбата на годината“.
„Ми платија само аванс, а остатокот, значи околу половина од износот не го видов никогаш. Не ни се исплатени ни дополнителните трошоци што ги имавме“, изјавил сопственикот на фирмата Слишко и рекол дека должниците сега го избегнуваат.
Директорот на комоанијата Елдра, која се занимава со изнајмување на аудио, видео и опрема за осветлување, потврдува дека и нему не му се исплатени околу 250.000 куни (околу 33.000 евра), а не биле исплатени ниту чистачките и чуварите.