Добивај вести на Viber
Како што открива во своето последно истражување, Европското движење во Србија смета дека електроцентралите во Србија се најголемиот извор на загадување во Европа со сулфур-диоксид. Според истата анализа, овие објекти исто така се еден од главните извори на загадување со честици од прав и азотен оксид.
„Ваквите емисии на штетни гасови влијаат врз жителите и економијата на државата и се чувствуваат и до низа држави од Европската унија“, стои во анализата во која уште се додава дека алармантен е податокот што Србија е држава со најголема стапка на раст на смртност по рак на белите дробови во Европа, додека истовремено оваа стапка опаѓа кај европските држави.
Исто така, заклучува Европското движење во Србија, со текот на времето растат и трошоците за животната средина и трошоците на остварување на обврските спрема ЕУ.
„Исполнувањето или неисполнувањето на обврските влијае на очекуваното траење на животот, болестите и продуктивноста на населението. Тие животни и јавни вредности се од непроценлива важност и би требало да претставуваат апсолутен приоритет на јавната политика. Таа околност треба да се земе предвид кај проценките од процесот на пристапување во ЕУ“, предупредува Европското движење и додава дека во Србија треба да се земе во предвид дека квалитетот на човечкиот живот нема вистинска економска цена“,