СРБИЈА Е ПРВА ЗЕМЈА ВО ЈУГОИСТОЧНА ЕВРОПА ШТО ЌЕ ПРОИЗВЕДУВА ВАКЦИНА: Во мај почнува производството на Спутник V во Институтот за вирусологија „Торлак“
Објавено во: Балкан 25 Март, 2021
Рускиот фонд за
директни инвестиции и Институтот за вирусологија „Торлак“ денеска објавија дека
постигнале договор за производство на вакцината „Спутник V“ против коронвирус,
што може да започне до мај во погоните во Србија.
Србија на тој начин ќе стане првата земја во Југоисточна Европа што ќе произведува вакцина „Спутник“, која подоцна може да се извезува во други земји во регионот, се вели во соопштението објавено на веб-страницата „Спутник ве“.
Директорот на РДИФ, Кирил Димитријев изрази благодарност до Владата на Србија за постојаната поддршка и доверба во руската вакцина.
- Србија е меѓу првите земји во светот што ја одобри и ја искористи оваа вакцина за да го заштити населението од коронавирусот. Производството на руската вакцина во Торлак ќе овозможи полесна логистика и ќе помогне во забрзување на програмата за вакцинација во земјата - рече Димитријев.
Министерот за иновации и технолошки развој Ненад Поповиќ им се заблагодари на рускиот претседател Владимир Путин и РДИФ за поддршката во зачувувањето на здравјето и животот на српските граѓани.
Поповиќ рече дека производството на вакцината „Спутник V“ во Институтот „Торлак“ ќе ги зајакне капацитетите на Србија во борбата против пандемијата и ќе отвори нови перспективи за дистрибуција на оваа вакцина во регионот на Југоисточна Европа.
- Трансферот на технологии за производство на вакцината од Русија во Србија ќе придонесе за обновување на суверенитетот на нашата земја во областа на производство на вакцини, што ќе биде важен ресурс за секоја земја во иднина - рече Поповиќ.
Првиот контингент на вакцината „Спутник“ пристигна во Србија на 30 декември, а вакцинирањето со таа вакцина започна на 6 јануари.
„Спутник“ досега е регистриран во 56 земји во светот. Вакцината е ефикасна 91,6 проценти, покажуваат податоците објавени во списанието „Лансет“.
Можеби ќе ве интересира
„МИНАТА ГОДИНА ЧЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
ЛОНДОН, АМСТЕРДАМ И ДУБАИ СЕ „МЕКА“ ЗА ГОСТИ БАЈТЕРТЕ! Во потрага по леб, овие четири земји се најпривлечни за нашите соседи од Србија
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
ПРЕСУДА ЗА МАСАКРОТ ВО „РИБНИКАР“ МОЖНА Е ДО КРАЈОТ НА ГОДИНАТА?! Еве што кажа адвокатот на семејствата на убиените ученици
ДЕНОТ КОГА ЛИЦАТА НА ЈУГОСЛОВЕНИТЕ БЕА ПОКРИЕНИ СО СОЛЗИ: Реченицата „Другарот Тито е мртов“ влезе во историјата
Белгија се приклучи на листата на коспонзори на резолуцијата за Сребреница
ПРОГЛАСЕНА ВОНРЕДНА СОСТОЈБА ВО СОСЕДСТВОТО: Дождот создаде хаос, реката се излеа, луѓето и добитокот се евакуираат (ВИДЕО)
ШОКАНТНИ СЦЕНИ ПРЕД „РИБНИКАР“ - и родителите на убиените деца пристигнаа
