СРБИЈА И ХРВАТСКА СЕ ТЕПААТ: Македонија брои загуби!

Добивај вести на Viber

Додека Србија и Хрватска не попуштаат за отворањето на граничните рампи, бизнисот не само на двете земји туку и на другите брои штети. Веќе петти ден на хрватско-спрската граница се заглавени многу македонски превозници, чии што камиони се натоварени со стока наменета за европските пазари. Вчера револтирани македонските превозници го блокираа граничниот премин „Батровци/Бајаково“ револтирани од неколкудневното чекање на границата, бидејќи  стоката што ја превезуваат веќе почнала да се расипува. Камионите се натоварени со различна стока, преработки, свежи и замрзнати производи. Сопственикот на компанијата за преработка на зеленчук “Вентина”, Трајче Карадаковски, вели дека има три камиони заглавени на граничниот премин со преработки од зеленчук наменет за Словенија и Хрватска, два камиони со репроматеријали кои чекаат од другата страна и треба да се вратат во Македонија, и три камиони натоварени со роба кои чекаат во скалидште и поради ситуацијата не се тргнати од земјава. Вели дека штетите ќе бидат големи, нема да се испочитуваат роковите а доколку навреме не стигнат репорматеријалите ќе се соочат со проблеми во производството. -Штетите од оваа ситуација ќе бидат големи, секој ден чекање таму  е загуба. Имаме рокови до кога треба да се испорача робата, се надеваме дека партнерите ќе имаат разбирање, но губат и тие бидејќи и тие чекаат. Од друга страна поради ситуацијата не можат да стигнат камионите со репроматеријали кои ни се потребни за производство, доколку не стигнат навреме ќе треба да се пролонгира производството и да бараме нови извори за набавка на репроматеријали. Допрва ќе се премсетуваат штетите, вели Трајче Карадаковски, сопственик на компанијата за преработка на зеленчук “Вентина”. Големи и долгорочни штети? Од Асоцијацијата на превозници “Макам Транс”, исто така велат дека штетите од ваквата ситуација ќе бидат големи и долгорочни. Бараат владата да превеземе мерки за  помош на сите засегантите траснпортери и извозници. -Постојат неколку вида на штети кои моментално се случуваат и допорва ќе се случуваат , една штета е дриектно на транспортерите, бидејќи секој ден оние што превезуваат стока што не е расиплива ги чини од 200 до 250 евра еден ден.Но оние што превезуваат стока во свежа и замрзната состојба овој засот ги чини од 300 до 450 евра во зависнот од температурата на која треба да се одржуваат тие производи. Но штетите ќе настанат во моментот кога ќе се ослободат границите затоа после четврти ден не може да зборувате за стока во свежа состојба, значи ќе имаме дополнителни проблеми кога ќе го продолжиме патување за да стигнеме на местото на испорака, а дестинациите се земји членки на Европската унија каде што стандардите се многу високи, така што доколку не постои можност таа стока да се продаде како репроматеријал за конзервната индустрија, за сокови или за било што, во тој случај таа стока ќе треба да се врати. Враќањето на овој вид стока повлекува други процедури, кои ќе придонесат нашите превозници или ако сме товареле од други земји, ќе треба да си платат давачки во сопствената држава. Генерално никој нема да ја сака таа стока да се врати назад, и повторно проблемот се вараќа кај превозникот кој ќе мора да побара овластување  од било која држава каде што се движи да ја уништи таа стока на депонија. Поднесовме барање до  Владата како постојат фондови од ЕУ за помош на мигрантите да се одреди некој фонд за помош на сите ние кои сме инволвирани во ситуацијава, вели Билјана Муратовска, претседател на “Макам Транс” . [caption id="attachment_176556" align="aligncenter" width="555"] Застој во превозот нема само кон земјите од Европската унија, туку и оттаму кон Македонија. Превозниците предупредуваат дека вавиот застој може да доведе до недостиг на одредени производи и суровини кои треба да се донесат во земјава.[/caption]   Од владата велат дека ЦЕФТА и сите релевантни институции во Брисел  се исконтактирани и запознаени со проблемот на македонските камионџии, кои неколку дена се заглавени на српско-хрватската граница. Министерот за економија Христијан Делев вчера вечерта изјави дека членките на ЦЕФТА разговарале за итен состанок во Молдавија, како земја претседавач, доколку до вторник не биде тргната забраната. Тој посочи дека македонското МНР упатило нота и писмо до Хрватска во врска со блокирањето на македонски камиони на границата со Хрватска. -  Сите институции во Брисел се исконтактирани, исконтактирана е и ЦЕФТА и чекаме на хрватската страна овие санкции да ги тргнат, доколку не го направат тоа до вторник ќе биде закажан состанок на ЦЕФТА каде што ќе бидат преземани и други соодветни мерки. Ние реагиравме, укажавме на хрватските власти дека ова е надвор од сите меѓународни договори за проток на луѓе и стоки. Покрај контактот со институциите во Брисел и со ЦЕФТА ги контактиравме и нашите колеги во Србија, Косово, Албанија и Турција, кои се засегнати со овој проблем, изјави Делев. Препорака до превозниците да не возат?! Македонските амбасади во Србија и Хрватска испратиле препорака до македонските превозници во следните неколку дена додека не се отворат границите да не возат. Од Групацијата на транспортни услуги и шедиција при Сојузот на стопански комори велат дека добиле информации дека превозниците се насочуваат кон алтернативни премини, то пак значи дополнителни километри за возење и трошоци. -Последните информации се дека се снаоѓаат со пренасочување кон алтернативни соседни граници, каде и покрај подолгите колони се поминува. Сепак, тоа се дополнителни километри за возење и дополнителни дозволи за транспорт кои ќе паднат на товар на компаниите. Токму затоа од голем интерес е што поскоро решевање на овој проблем враќање на состојбите во нормала, бидејќи со секој изминат ден штетите се зголемуваат, вели Марија Мустрик, од односи со јавност при Сојуз на стопански комори на Македонија . Ќе има ли недостиг на производи во Македонија? Застој во превозот нема само кон земјите од Европската унија, туку и оттаму кон Македонија. Превозниците предупредуваат дека вавиот застој може да доведе до недостиг на одредени производи и суровини кои треба да се донесат во земјава. -Извозниците и превозниците трпат огромни штети оти сите овие производи некој ги чека и остануваат без реализација а не се работи за мали количини. Проблемот е што застој има и од другата страна камиони кои носат производи и репорматеријали за Македонија, Албанија, Бугарија. Се надевам дека трговските партнери ќе имаат разбирање оти ова не се лсучува затоа што некој партнер не ја исполнил својата работа туку бил принуден да не ја исполни, но не ја исклучувам моожноста да се случу и тоа.Може да се случи да има недостиг на македонскиот пазар од некои производи и репорматеријали оти блокадата не е само кон ЕУ туку и од спротивен правец. Дури и алтернативните премини кои се кон БиХ и тие се затворени, вели Муратовска. Состојбата на граничниот премин на двете земји  се влоши  откако Хрватска ги затвори границите кон Србија, поради ѕидот изграден од Унгарија, мигрантите од Србија кон европските земји се пренасочија преку Хрватска. Потоа Србија одговори со забрана за премин на границата на хрватски камиони и камиони што превезуваат хрватска стока. Ј.С