Србија кажа да за „Парада на гордоста“

Добивај вести на Viber

Зелено светло доби одржувањето на „Парада на гордоста“ во Белград од страна  на српскиот премиер Ивица Дачиќ и првиот вицепремиер Александар Вучиќ , објави весникот „Блиц“.

Позитивната одлука за одржувањето на парадата дошла откако полицијата во Србија по извршената анализа ја проценила безбедноста состјба  како „благо позитивна“.

Еден од најважните индикатори дека Белград се подготвува за парадата е обезбедувањеот на западните амбасади за настанот, што вклучува и план за доаѓање и план за извлекување на демонстрантите, наведува српскиот весник.

Според најавите парадата треба да почне во сабота во десет часот по локално време во белградскиот парк „Манеж“, по што учесниците ќе направат круг низ улиците на градот и ќе се вратат во паркот. Полицијата ќе ги проверува посетителите, поради што секој учесник ќе мора да носи лична карта или пасош со кој ќе се идентификува.

Учесниците на геј парадата треба да носат што е можно помалку предмети, да не се облекуваат во светли бои, да не носат знамиња и транспаренти на движењето, бидејќи ќе им бидат одземени од полицијата на влезот на паркот „Манеж“.

Синдикатот на српската полиција побара од државното раководство да ги заштити сите полицајци што утре ќе ја обезбедуваат парадата и сите учесници на оваа манифестација.