Србија ќе остане без економски раст оваа година
Објавено во: Економија 04 Мај, 2015
Не се очекува Србија да забележи економски раст во 2015 година, изјавил претседателот на српскиот Фискален совет Павле Петровиќ во интервју за националната телевизија, цитирано од агенциите.
Тој, сепак наведува дека мисијата на Меѓународниот монетарен фонд, која е во посета на Србија за прв по „долго договарање“ на превентивен договор, ќе даде позитивна оценка за буџетскиот дефицит, кој е помал од планираниот.
Според Петровиќ нискиот дефицит е директен резултат на намалувањето на платите и пензиите и зголемената наплата на даноците.
Тој предупреди дека ако повторно се зголемат платите и пензиите, дефицитот ќе се врати на старото ниво од 6.6 проценти.
Според зборовите на Петровиќ главните разговори со претставниците на Фондот ќе влијаат на реструктуирањето на претпријатија, приватизацијата и реформите во јавниот сектор.