СРБИЈА: Кратењето на платите не е довоно, ќе мора да се зголемат и даноците?!

Добивај вести на Viber

Претседателот на Фискалниот совет на Србија Павле Петровиќ оценува дека предложеното намалување на платите за администрацијата и на пензиите во земјава не е доволно и оти ќе мора да се зголеми данокот на додадена вредност. „Вучиќ и самиот потврдува дека проценките на Фискалниот совет се точни, но дека при носење на одлуката за намалување на платите и пензиите, пред очи ги имал луѓето кои живеат од тие примања. Ние сме скептични. Ако предлозите останат вакви, ќе мора да се зголемува и ДДВ-то“, вели Петровиќ. Фискалниот совет претходно предлагаше линеарно намалување на платите и пензиите за 15%. Вучиќ, пак, во сетот мерки што ги обелодени синоќа, сака да ги исклучи од скратувањето оние кои земаат најниски плати и пензии, пониски од 25.000 динари (околу 210 евра). Кај останатите предлага прогресивно зголемување на стапката за кратење на приходите. Освен ова, српскиот премиер планира и силна борба против сивата економија, отпуштање на вишокот вработени во јавната администрација, намалување на субвенциите за државните претпријатија и за земјоделството, како и јакнење на приватниот сектор. На овој начин Србија има намера да заштеди околу 700 милиони евра годишно, од кои најголема ставка ќе биде токму скратувањето на платите и пензиите.