Србија: Во Косово се уриваат цркви и се менува идентитет

Добивај вести на Viber

Косовските власти, кои систематски ги уништуваат православните храмови, сега се обидуваат да се здобијат со контрола врз нив преку УНЕСКО, изјави српскиот претседател Томислав Николиќ.

„Ова за Србија е неприфатливо и може да се претвори во опасен меѓународен преседан. Како е можно уништувачи на цркви сега да бараат да се претстават за нивни хранители и бранители? Тоа е многу опасно. Повикувам сите претседатели да не го лишуваат српскиот народ од неговата душа , од неговото духовно наследство“, изјавил Николиќ од трибината на Генералното собрание на ОН.

„Поддршката на одредени земји како Албанија за депонирање и барање во УНЕСКО за тоа дека српското религиозно и културно наследство во Косово треба да биде прогласено за албанско и косовско. Истите оние кои намерно ги уриваа манастирите, се обидуваат да создадат ново етничко и културно самоопределување во Косово и Метохија, на тој начин, врз историските остатоци на други народи, да добијат светско признание“.

Николиќ потсетил дека од јуни 1999 година албанските терористи уништија 140 православни свети места во Косово, особено, од март 2004 година, косовските Албанци во присуство на меѓународните сили уништија повеќе православни цркви, манастирски библиотеки и архиви. „Во Косово и Метохија се чуваат не само српска, туку и европска култура. Затоа е особено важно Србија да продолжи да биде чувар на ова културно наследство во својство на член на УНЕСКО“.