Добивај вести на Viber
На крајот на минатиот месец јавниот долг на Србија изнесувал 17,5 милијарди евра, што е близу 60 отсто од Бруто домашниот производ, долгот продолжи да расте и во декември поради новите задолжувања, па јавниот долг наскоро би можел да биде рамен со оној што го имаше СФРЈ, анализира Ал Џезира.
Во петокот е потпишан договор со што Србија ќе се задолжи за дополнителни 640 милиони евра кај кинеската банка Ексим, Кинеската корпорација за патишта и мостови ќе гради два автопати – од Белград од Чачак и од Нови САд од Рума, како и тунел низ Фрушка гора.
Србија ќе ги добие овие пари на 20 години, а за возврат поголем дел од проектите ќе ги реализираат кинески фирми и работници, додека домашните градежнички компании ќе располагаат со близу 250 милиони евра.
Без оглед на огромниот јавен долг, владата на Србија само во последниве два дена одлучила да се задолжи близу милијарда евра.