03 Јуни, 2020
0.0341

Србија забрани влез за странци кои доаѓаат од Италија, Кина, Јужна Кореја, Иран и делови од Швајцарија

Објавено во: Балкан 10 Март, 2020

Владата на Србија на денешната седница донесе дополнителни мерки за спречување на ширење и контрола на заразното заболување Ковид-19, според препораките на српските епидемиолози и во согласност со препораките на Светската здравствена организација (СЗО), јави дописникот на МИА од Белград.

-Се воведува привремена забрана за влез во Србија за странски државјани кои доаѓаат од области со интензивно пренесување на коронарен вирус. Ова се однесува на лица кои престојувале во Италија, одредени провинции на Република Кина, Јужна Кореја, Иран и делови од Швајцарија, се наведува во соопштението на српската влада.

Во мерките е и препораката за строго почитување на забраната за патување на вработените во системот на здравствена и социјална заштита во Република Србија во земји со интензивно пренесување на КOVID-19 како и во жариштатат на епидемијата.

Во соопштението се наведува дека благодарејќи на навремената и одговорна реакција на здравствениот систем, бројот на лица кои страдаат од коронарен вирус во Србија е четири.

-Нема простор за паника и загриженост бидејќи Србија реагираше одговорно од самиот почеток и ги заостри контролите на граничните премини, особено на аеродромите. Упатствата на Светската здравствена организација и препораките на епидемиолозите се почитуваат, а некои од нив имаат лично искуство во справување со слични ситуации, се наведува во соопштението.

Српската влада ги повикува граѓаните исклучиво да ги следат советите на надлежните. Министерството за здравство на Република Србија со Институтот за јавно здравје на Србија „Д-р Милан Јовановиќ Батут“, мрежата на заводот за јавно здравје и надлежните здравствени установи ја следат епидемиолошката состојба предизвикана од коронавирусот во Србија и во светот и во согласност со новите знаења и препораки на Светската здравствена организација, ќе издаваат соопштенија за јавноста и упатства за постапките на здравствените установи и другите надлежни органи и институции, соопштија од српската влада. 

Можеби ќе ве интересира

ХРВАТСКА: Цела куќа со базен може да се изнајми за 114 евра

ХРВАТСКА: Цела куќа со базен може да се изнајми за 114 евра

АВИОН СЛЕТА ВО АТИНА: Од 91 патник, 12 позитивни на коронавирусот

АВИОН СЛЕТА ВО АТИНА: Од 91 патник, 12 позитивни на коронавирусот

ЗЕМЈОТРЕС ВО РОМАНИЈА: Eпицентарот северно од Букурешт

ЗЕМЈОТРЕС ВО РОМАНИЈА: Eпицентарот северно од Букурешт

НОВИ ПРАВИЛА ВО ГРЦИЈА: Дистанца меѓу чадорите и ограничен број на капачи

НОВИ ПРАВИЛА ВО ГРЦИЈА: Дистанца меѓу чадорите и ограничен број на капачи

НЕМААТ НОВ СЛУЧАЈ 28 ДЕНА: Црна Гора го победи вирусот

НЕМААТ НОВ СЛУЧАЈ 28 ДЕНА: Црна Гора го победи вирусот

Бугарија го укина карантинот за граѓаните од Македонија

Бугарија го укина карантинот за граѓаните од Македонија

Италијанците сакаат на одмор во Грција, но Грците не ги примаат

Италијанците сакаат на одмор во Грција, но Грците не ги примаат

Цел Балкан од денеска се отвора, само во Македонија се размислува за враќање на рестрикциите

Цел Балкан од денеска се отвора, само во Македонија се размислува за враќање на рестрикциите

Црна Гора од денеска отвора граници, но Македонија e извадена од листата

Црна Гора од денеска отвора граници, но Македонија e извадена од листата