СРЕЌЕН ПЕТОК 13-ти: Ер Србија со промотивна цена за летот Белград-Скопје-Белград

Добивај вести на Viber

Српската национална авиокомпанија денеска нуди специјални промотивни цени за повратните летови од Белград кон Скопје, но и кон Будимпешта, Дубровник, Пула, Сплит и Сараево. Промотивните цени почнуваат од 95 евра. Како дел од промотивната кампања „Среќен петок“, Ер Србија соопшти дека авиобилетите по овие промотивни цени ќе бидат достапни само овој петко, 13 јуни и ќе важат за патувања од 14 јуни до 25 октомври 2014 година (со исклучок на периодот од 15 јули до 15 август). Купувањето на билетите може да се оствари телефонски на меѓународниот број +381 11 311 21 23, со посета на некои од претставништвата на Ер Србија или овластените туристички агенти, како и преку интернет на страницата www.airserbia.com. Ер Србија го зазеде местото на ЈАТ како национален авиопревозник на Србија од 26 октомври 2013 година и лета на повеќе од 38 дестинации во Европа, Медитеранот и Блискиот Исток од матичниот меѓународен аеродром „Никола Тесла“ - Белград, а остварува и патнички и товарен сообраќај. Авиокомпанијата нуди и прекуокеански летови до Азија, Австралија, Јужна и Северна Америка во соработка со код-шер партнерите, компанијата Етихад ервејз, која поседува 49% од сопственичкиот удел во српскиот авиопревозник.