18 Мај, 2021
0.0206

СРПСКИОТ МИНИСТЕР ЗА ЗДРАВСТВО: Нема ниту еден доказ дека вакцините можат да влијаат на стерилитет

Објавено во: Балкан 15 Април, 2021

Србија го надмина процентот од над 65 проценти вакцинирани здравствени работници, изјави српскиот министер за здравство, Златибор Лончар за РТС, и посочи дека 20 отсто од здравствените работници се имунизирани во последната недела.

Тој изјави дека коронавирусот е нешто што се менува од ден на ден и смета дека почетокот на разговорите за задолжителна вакцинација - дал резултати.

Тој напомена дека во Србија во моментов има доволно вакцини, но и дека има доволно интерес за вакцинирање, и дека според најновите истражувања, нема потреба од воведување на задолжителна вакцинација.

„Имавме доволно вакцинирани лекари, но имаше проблем со медицинските сестри и имаше сомнежи во врска со бременоста, планирањето на семејството и слично, но ние се организиравме, направивме трибини, разговаравме со нив и тој број се зголемува и се зголемува секој ден, така што во овој момент не треба да воведуваме задолжителна вакцинација“, рече Лончар за време на гостувањето во емисијата Прашалник на РТС.

Говорејќи за тоа што ги плаши медицинските работници во врска со имунизацијата, Лончар објасни дека најголемиот проблем е кај младите медицински сестри поради различните дезинформации што им се даваат и дека се плашат за своите потомци.

Одговарајќи на прашањето на гледачите за влијанието на вакцината врз стерилитетот, министерот Лончар изјави дека „нема ниту еден научен доказ, студија и нешто што се случува со вакцините што моментално се наоѓаат во Србија“.

Тој посочи дека повеќе од 20 проценти од медицинските работници биле вакцинирани во изминатата недела, што, како што процени, е огромна бројка за една недела.

„Преминавме над 65 проценти од вакцинираните здравствени работници. Бевме, велам, 20 проценти помалку, но со оваа кампања, со оваа акција, со разговорот со сестрите, ја надминавме таа бројка“, изјави Лончар и додаде дека оваа практика ќе продолжи.

Лончар изјави дека 14 лекари кои работеле во ковид болници и кои имале комуникација и престојувале во црвените зони починале како резултат на коронавирусот во Србија.

„Сите други лекари кои починаа немаа допирни точки со системот ковид. Огромното мнозинство се луѓе над 70 години, кои се во пензија, кои не работеле во здравствениот систем, кои работеле на некои други места или биле на одредено боледување. Тоа е единствената точна и проверена информација и ја молам Србија да го знае тоа“, рече Лончар.

Можеби ќе ве интересира

Се создаде забуна, грчки сој не постои

Се создаде забуна, грчки сој не постои

Лекар тврди дека коронавирусот остава последици врз срцето

Лекар тврди дека коронавирусот остава последици врз срцето

Снајперист требал да го убие Вучиќ, се подготвувал атентат

Снајперист требал да го убие Вучиќ, се подготвувал атентат

ИКЕА ГИ ПОВЛЕКУВА ОВИЕ ЧИНИИ И ШОЉИ - има ризик од кршење и изгореници

ИКЕА ГИ ПОВЛЕКУВА ОВИЕ ЧИНИИ И ШОЉИ - има ризик од кршење и изгореници

ПРВИТЕ СРПСКИ ТУРИСТИ СТИГНАА НА ПЕФКОХОРИ - биле преку агенција, со заменски ваучер и никој не им барал ПЛФ формулар

ПРВИТЕ СРПСКИ ТУРИСТИ СТИГНАА НА ПЕФКОХОРИ - биле преку агенција, со заменски ваучер и никој не им барал ПЛФ формулар

Заклучоци од самитот Брдо-Бриони: Без став за промена на границите

Заклучоци од самитот Брдо-Бриони: Без став за промена на границите

АВТОБУС ЗАРОБЕН ВО ЕЗЕРО - пороен дожд направи хаос во Белград

АВТОБУС ЗАРОБЕН ВО ЕЗЕРО - пороен дожд направи хаос во Белград

ЕВЕ КАКО ЌЕ ИЗГЛЕДА СРПСКАТА ФАБРИКА ЗА ВАКЦИНИ - Вучиќ објави видео на инстаграм

ЕВЕ КАКО ЌЕ ИЗГЛЕДА СРПСКАТА ФАБРИКА ЗА ВАКЦИНИ - Вучиќ објави видео на инстаграм

НАПНАТО НА БРДО БРИОНИ: Вучиќ до Османи - обидете се да постигнете договор, а заканите со тужби се како да плашите мечка со мува

НАПНАТО НА БРДО БРИОНИ: Вучиќ до Османи - обидете се да постигнете договор, а заканите со тужби се како да плашите мечка со мува