Српското земјоделство ќе го предводи Балканот: Емиратите вложуваат 200 милиони евра!

Добивај вести на Viber

Српскиот министерот за финансии Млаѓан Динкиќ, во име на Владата на Србија во Абу Даби, потпиша преддоговор за инвестиции во земјоделството помеѓу Република Србија и Обединетите Арапски Емирати. Емиратите вложуваат 200 милиони евра во осум земјоделски фирми.  Преддоговорот предвидува водечката агроиндустриска компанија од Обединетите Арапски Емирати, Ал Дахра во рамките на заедничиките вложувања, инвестиции од околу 200 милиони евра во осум земјоделски државни компании. „Ал Дахра, 100 милиони евра ќе инвестира во нови системи за наводување за да ја зајакне продуктивноста на производството, а од друга страна 100 милиои евра ќе инвестира во превземање на 80% удели во осум државни земјоделски претпријатиа, каде Република Србија ќе остане со 20% косопственик, така што ќе имаме заедничко вложување“, изјави Динкиќ. Министерството за финасии потенцира дека благодарејќи на овие аранжмани српското земјоделство ќе добие инвеститори кои во моментот располагаат со најмногу капитал во светот и дека капиталот и воведувањето на најсовремени агротехнички мерки е она што со децении и недостасуваше на плодната српска земја за да дава максимални приноси. Ал Дахра освен подигнувањето на капацитети во земјоделските комбинати ќе ги вработи и домашните земјоделци како кооперанти, бидејќи има намера вишокот од производство да го пласира на странските пазари, користејќи  ја својата трговска мрежа која ја има во голем број земји. Истовремено, компанијата од Обединетите Арапски Емирати имаат намера да инвестираат и во изградба на логистички центри за извоз на земјоделски производи, пред се во изградба на потполно нови капацитети во Панчево. Партнерот од Абу Даби со овој преддоговор се обврза да вложи 100 милиони евра во агротехнички развој и изградба на комплетна инфраструктура за наводување на површини од околу 14.000 хектари кои се наоѓаат во сопственост или под закуп кај земјоделски фирми кои се предмет на заедничките вложувања, а намерата е да се инвестира и во изградба на нови фабрики за преработка на храна.