Станови во небодерите во Аеродром од денеска на продажба!

Добивај вести на Viber

Од денеска почнува продажбата на становите во висококатниците во резиденцијалниот комплекс „Џевахир скај сити” во скопската населба Аеродром. На продажба се 688 станови, а најниската цена за метар квадратен е 1.100 евра, додека на ограничен број станови цената е 3.000 евра за метар квадратен. Сепак од турската компанија инвеститор “Џеваир Холдинг” велат дека цената ќе биде променлива,односно дека ќе зависи од типот и местоположбата на становите. Употребата на базените,спортските сали и останатите рекреативни простории ќе биде бесплатна. Најбарани се становите од 39-от и од 40-от спрат. Од компанијата очекуваат голем инетерес, а најавија дека веќе се во преговори со дел од банките за одобрување кредити. Според проценките во декември 2015 година сопствениците ќе можат да се вселат во становите. Трговскиот центар ќе биде готов во 2016 гдоина, а целиот проект најдоцна до 2017 година. Според проектот, предвидена е изградба на четири висококатници, а вкупната инвестиција изнесува 100 милиони евра. Целиот комлекс се простира на 5.600 метри квадратни, и ќе 24 часовно обезбедување, како и набљудување на заедничките простории и пристап со картичка до апартамните.

Бизнис амбиентот во градежништвото се подобрува, ама трошоците растат

Наспроти странските градежни проекти и експанзијата што во ек на економска криза ја доживеа македонското градежништво, сепак прогнозите на македонските бизнисмените од секторот градежништво за периодот што следува, не се оптимистички. Во анализата на Државниот завод за статистика кој се однесува на оценките на раководителите во градежништвото за третото тримесечје од годинава, бзинисмените се изјасниле дека бизнис амбиентот се подобрува, но трошоците за материјали и финансиските трошоци ќе растат.

Финансиската состојба на компаниите е оценета како понеповолна во однос на претходното тримесечје од годинава, но подобра во споредба со третото тримесечје лани. Градежниците оценуваат дека цената на недвижностите ќе се паѓа, а ќе се намалува и бројот на вработените. Нема пдобрување во состојбата со побарувачката, која во третото тримесечје од годинава, во однос на претходното тримесечје, е оценета како  понеповолна.

Статистичките анализи покажале дека најголемо влијание на ограничувањето за подобрување на сегашната состојба во градежниот сектор, имаат, конкуренцијата во сопствениот сектор, немањето побарувачка, зголемените трошоци за материјали и зголемените финансиски трошоци.

Се губат старите пазари

Во однос на склучените и извршени зделки во странство, градежниот сектор во првите девет месеци од годината споредено со лани истиот период бележи зголемување за 1,6 проценти. Вредноста на договорени градежни работи во странство во анализираниот период изнесува нешто повеќе од 83 милиони евра. Вкупната вредност на извршени градежни работи во странство во истиот период изнесува близу 20 милиони евра. Според податоците од Државниот завод за статистика, македонските градежни компании во првите девет месеци од годината најмногу склучени и извршени градежни работи имале во Франција, Холандија и Германија. Но одруга страна,анализите покажуваат дека во истиот период речиси и да се изгубени пазарите кои лани биле на топ листата. Драстично се намалени склучените и извршените градежни работи во Србија, Хрватска , Италија, Швајцарија, а во Украина за разлика од лани во овие девет месеци нема ниту една гардежна зделка.

Како нови пазари каде што македонските градежни компании склучиле договори се јавуваат Индија, Бугарија и Либиска Арапска Џамахирија.

Според статистичките податоци градежниот сектор со пораст од 33,2 проценти во второто тримесечје е главен двигател на порастот на бруто домашниот производ од 3,9 проценти.

Ј.С.