Ставрески: Изградбата на три автопати ќе ја зголеми економската активност

Добивај вести на Viber

Повеќекратни и позитивните ефекти очекува во следните три до четири години и повисок пораст на економската активност, како и поголем број вработувања во делот на ангажманот на домашни работници, очекува вицепремиерот и министер за финансии Зоран Ставрески од изградбата на трите автопати во земјава. -          Веќе имаме 1.500 работни места кои директно се отворени и кои се резултат на почеток на реализација на овие автопати и во иднина очекувам илјадници македонски работници да бидат ангажирани на изградбата на овие автопати, изјави Ставрески. На макроекономски план тие, очекува Ставрески  да го подигнат нивото на пораст на БДП за околу 1 отсто годишно со директен ефект со ангажман на домашни фирми како изведувачи или подизведувачи во делот на градежништвото.  Во изградбата се ангажирани Гранит и Бетон, а како подизведувачи ќе бидат ангажирани и помали фирми во делот на изведување градежни работи, потоа за користење градежни материјали, за снабдување стоки и давање услуги. Aвтопатот Миладиновци - Штип, чија изградба почна  во февруари годинава, ќе биде долг 47 километри, широк 29 метри, со по две коловозни ленти во двата правци и една дополнителна лента за застанување. Инвестицијата изнесува 206 милиони евра, обезбедени од кинеската Ексим банка. Автопатот Кичево-Охрид, треба да биде  сo должина од 57 километри, ширина од 25,5 метри, со две автопатски ленти, дополнителна линија за запирање и зелен појас. Вкупната вредност на инвестицијата во согласност со договорите изнесува 372 милиони евра. Двете автопатски делници ги гради кинеската компанија „Сајнохидро корпорешн лимитед“, која има обврска да ангажира за работа минимум 51 процент македонски државјани. Инвестицијата, пак, за изградбата на автопатската делница  Демир Капија - Смоквица на Коридорот 10,  во должина од 28 километри, изнесува 210 милиони евра. Проектот почна во септември 2012 година, а го реализира грчката компанија „Актор“.