Ставрески: Во време на економска криза градежништвото е двигател на економијата

Добивај вести на Viber

Градежништвото е една од основните стопански активности кои во време на економска криза беше двигател на економскиот развој на земјата, изјави денеска министерот за финансии Зоран Ставрески на Меѓународниот саем за градежништво што ќе се случува паралелно со Саемот на недвижности RealExpo. -Тоа е показател за квалитетот на градежните компании кои во овој сектор учествуваат со значаен процент во креирањето на бруто-домашниот производ.  Во изминативе четири години, само во Македонија градежните компании покажуваат константен позитивен двоцифрен раст“, истакна Ставрески. Тој потсети на државните политики кои помогнаа во остварувањето на овие резултати, како што се рамниот данок и ниската даночна стапка, како и ослободување од данокот на добивка ако компаниите целосно ја реинвестираа добивката. Се намали стапката на ДДВ од 18% на 5% за првиот промет на станови, но таа мерка ја продолжи и за време на економската криза и истата ќе важи до 2015 година. Минстерот го издвои проектот „Купи куќа, купи стан“ кој изминатиот период ги одбележа станбените кредити во Македонија. -Во текот на изминатите месеци проектот стартуваше и наиде на добар прием кај градежните компании и граѓаните. Направивме и дополнителните измени за зголемување на процентот на покривање на трошоците од 75%“, подвлече Ставрески.