СТИГНА ИТЕН АПЕЛ ОД „СТУДЕНТИТЕ ВО БЛОКАДА“ ПРЕД НАЈМАСОВНИОТ ПРОТЕСТ: „Не ја доведувајте во прашање нашата борба со непромислени потези“
Објавено во: Балкан 15 Март, 2025 07:53
„Студентите во блокада“ на официјалните социјални мрежи објавија правила на однесување пред големиот студентски митинг што се одржува денеска во Белград.
„Овој протест е израз на нашата борба за правда, солидарност и иднина што заедно ја градиме. Затоа е важно сите да ги почитуваме основните принципи кои не водеа од самиот почеток. Силно ја осудуваме секоја форма на насилство. Од првиот ден се бориме против репресијата и неправдата кои јасно се вршеа преку овој систем. Не сакаме некој со своите постапки да го загрози она што досега сме го постигнале. Оваа борба ја градиме веќе три месеци со солидарност, посветеност, љубов и труд“, се вели во соопштението објавено по полноќ.
Апелираат до граѓаните на никаков начин да не ја загрозуваат нивната борба со непромислени потези.
„Целта на овој протест не е да се нападне ниту една институција, ниту да се нападнат неистомислениците. Не сакаме да дозволиме ниту еден чин да го одвлече вниманието од суштината на нашата борба и да го доведе во прашање сето она за кое се залагаме. Ова движење не смее да се злоупотребува. Мора да останеме достоинствени и да покажеме дека сме одговорни, дека ја разбираме тежината на моментот и дека сме свесни за последиците од нашите постапки“, нагласуваат во своето соопштение „Студентите во блокада“.
Напоменуваат дека се против секаков вид вандализам, и дека не сакаат да ги доведуваат во тешка ситуација работните луѓе.
„Не сакаме да чистат по нас и да ги поправаат работите. Нашата борба не е борба за уништување, туку борба за создавање. Нема да дозволиме нашите протести да бидат обележани со инциденти, туку исклучиво со нашата одлучност и заедничка визија за подобро општество. Затоа ве повикуваме сите – да бидеме обединети, да бидеме одговорни. Да се водиме од разумот, емпатијата и заедништвото. Се бориме за промени кои ќе донесат подобра иднина, но можеме да ги постигнеме само ако се држиме до нашите принципи и ја покажеме силата на достоинството и солидарноста. Да чекориме заедно, гласно и одлучно, но мирно и одговорно. „Ова е нашата борба, ова е нашата иднина и заедно ја градиме“, се заклучува во соопштението.
фото: EPA-EFE/ANDREJ CUKICМожеби ќе ве интересира
„СЕ ОДРЖА ГОЛЕМ ПРОТЕСТ СО ОГРОМНА НЕГАТИВНА ЕНЕРГИЈА И БЕС ИЗРАЗЕН КОН ВЛАСТИТЕ“: Вучиќ се обрати до јавноста
ВОЕН АНАЛИТИЧАР – „УПОТРЕБЕН Е „ЗВУЧЕН ТОП“, оружје кое го поседува српскиот безбедносен систем“
ПОЛИЦИСКИ ХАМЕРИ И ЖАНДАРМЕРИЈА ВО ПОЛНА ОПРЕМА ЗА ИНТЕРВЕНЦИЈА КАЈ ПРАВНИОТ ФАКУЛТЕТ: Протестот официјално заврши по прекинатиот 15-минутен молк
„ВУЧИЌ СЕГА СЕ ЧУВСТВУВА МНОГУ ЛОШО КОГА ГО ГЛЕДА СЕТО ОВА, ЗНАЕ ДЕКА Е ПОРАЗЕН“ - Антонела Риха за „малите победи“ на студентите
ВО БЕЛГРАД НЕ СЕ ГЛЕДА АСФАЛТОТ ОД БРОЈОТ НА ЛУЃЕ КОИ МАСОВНО „ПУМПААТ“: Се чекаат обраќањата на централната бина на плоштадот „Славија“
НА РТС НАРОДНА МУЗИКА „МАЈСТОРИ ЗА ДУШУ“, МОЛК ЗА НАЈМАСОВНИОТ ПРОТЕСТ СРЕДЕ БЕЛГРАД: Реагираат експерти, но и граѓаните
А КАДЕ Е ВУЧИЌ НА САМО НЕКОЛКУ ЧАСА ПРЕД МАСОВНИОТ СОБИР ПРОТИВ НЕГО? „Државата ќе спречи обид за „обоена револуција“
ЖЕНА БЕШЕ КРЕНАТА НА ХАУБАТА, А ПОТОА ПАДНА – БМВ ВЛЕТА ВО ДЕМОНТРАНТИТЕ ВО БЕЛГРАД: Неколкумина се повредени, возачот давал отпор при апсењето
