Стотици летови откажани низ Германија поради снег и замрзнат дожд

Добивај вести на Viber

Обилните снежни врнежи и замрзнат дожд низ Германија доведоа до откажување на стотици летови и возови, несреќи на замрзнатите патишта и затворање на училиштата.

Над 500 пристигнувања и полетувања се откажани на аеродромот во Франкфурт, најголемиот во Германија, а повеќе од 250 во Минхен. Доцнење и откажување летови имаше и на аеродромите во Дизелдорф, Келн и Бон.

На запад од земјата, аеродромот во Сарбрикен е целосно затворен.

Националниот железнички оператор Deutsche Bahn откажа неколку меѓуградски врски и најави дека максималната брзина на брзиот ICE (Intercity Express - ICE) воз ќе биде ограничена на 200 километри на час поради екстремните временски услови.

Утринава имаше многу сообраќајни несреќи на западот и југот од земјава поради голомразица на коловозот.

Како мерка на претпазливост, многу училишта и градинки се затворени, а некои компании им понудија на своите вработени можност да работат од дома.

GFS 18z verstärkt #Stürme für nächste Woche wieder und rechnet zwei Sturm- und ein #Orkantief!
In #Deutschland Böen zwischen 80-115 Km/h, auf den Bergen und an den Küsten Orkanböen!
Noch unklar. pic.twitter.com/adfoqmwv2m

— Sturmwetter (@sturmwetter1703) January 16, 2024

Германската метеоролошка служба (ДВД) денеска издаде предупредување за тешко време, поради снежното невреме „Гертруда“ и замрзнатиот дожд што зафати повеќе региони во земјата.

Gefährliche Wetterlage in vielen Regionen Deutschlands (Warnkarte)! Die NutzerInnen der #Warnwetter-App sind wachsam und senden uns reichlich Wettermeldungen und Fotos. Danke - und bleiben Sie vorsichtig! /kis pic.twitter.com/Pc4ZIURDiR

— DWD (@DWD_presse) January 17, 2024

Невремето однесе и жртва - 86-годишен маж загина во вторникот вечерта, откако во него удри автомобил додека го чистеше снегот на тротоарот на федералниот пат 109 по стемнувањето, а жената што возеше се здоби со полесни повреди.