Странските инвестиции повторно во минус, има ли плафон за цехот од кризата

Добивај вести на Viber

Второ тромесечје по ред, наместо прилив од странски инвестиции во земјава, статистиката бележи одлив на девизи од инвеститори во земјава. Бројките за третиот квартал ги објави Народната банка. Покажуваат дека во месеците јули август и септември од земјава оделани се 5,4 милиони евра. Впрочем тоа е нето одливот кој се должи на намалената реинвестирана добивка која е во вкупна сума од 37,7 милиони евра. Во земјава се влеале 32,3 милиони евра само и тие се резултат на инветсиции врз основа на меѓукомпаниски долг на постојни инвестиции и влез на споственилки капитал од само 8,2 милиони евра. 

Со овие податоци, впрочем шест месеци по ред има нето одлив на девизи од земјава. Во вториот квратал исто така немаше забележани нето приливи по однос на странски инвестиции, или тогаш нето одливите кои се минусот од приливот и одливот изнесуваа 9,3 милијарди евра. Сето ова пак придонесе за сите девет месеци годинава во земјава како странски директни инвестиции да се заведени само 119,5 милиони. 

Ова е една од најслабите години по овој показател. Во првите три месеци вкупните директни инвестиции изнесуваа над 137 милиони евра изнесуваат свкупните директни инвестиции во земјава во првите три месеци годинава. 

Лани во текот на цела 2019 година вкупните директни инвестиции во земјата изнесуваат 326,3 милиони евра. Од нив 219,9 милиони евра се нето-приливи по сопственички капитал, 101,8 милиони евра се нето приливи по реинвестирана добивка и 4,5 милиони евра по должнички инструменти.

Ова е лош резултат ако се споредува со годината пред тоа односно со 2018 година кога имаше своевиден рекод во овој поглед односно во тој период влегоа во земјата странски инвестиции вредни дури 624 милиони евра.

2019  година  326,3 милиони евра

2018 година   624,49 милиони евра

2017 година  181,73 милиони евра

2016 година  338,43 милиони евра

2015 година  216,72 милиони евра

2014 година   205,14 милиони евра

2013 година   252, 20 милиони евра

Но не се само инветсициите. Вчера министерот за економија Крешник Бектеши соопшти дека од пандемијата во Македонија моментално има невработени некаде околу 15.000 граѓани.