СТРАОТНИ БРОЈКИ: Хамас објави колку луѓе загинаа во Газа
Објавено во: Свет 28 Декември, 2023
Над 21.000 луѓе загинаа досега во Газа. Министерството за здравство на Хамас информира дека бројот на жртви е 21.320 луѓе.
Портпаролот на Министерството Ашраф ал Кудра рече дека во истиот период се ранети 55.603 лица. Околу 1.200 луѓе загинаа во Израел, повеќето цивили, во нападите на Хамас на југот на Израел на 7 октомври, а околу 240 заложници беа однесени во Газа. Според Израел, една од целите на војната е ослободување на повеќе од 100 заложници кои се во заробеништво. Досега 164 војници се убиени во израелската копнена офанзива на Појасот Газа која почна на 27 октомври. Египет предложи план за запирање на војната меѓу Израел и Хамас во Газа, но сè уште не добил никакви одговори. Ова денеска го соопшти египетски официјален претставник, пренесе ДПА.