СТРАШНО ОТКРИТИЕ: ЗОШТО ЛУЃЕТО СО ТЕМНА КОЖА ПОВЕЌЕ СТРАДАЛЕ ОД КОРОНАТА - британски министер сака да ја докаже вистината

Добивај вести на Viber

Обединетото Кралство денеска повика на меѓународна акција по прашањето на медицинските помагала како што се оксиметрите, кои подобро функционираат на луѓе со посветла кожа, што би можело да ги чини пациентите од етничките малцинства живот за време на пандемијата на коронавирус.

Британскиот министер за здравство Саид Џавид рече дека побарал истрага за проблемот откако дознал дека оксиметрите, кои го мерат нивото на кислород во крвта и се клучни за следење на состојбата на пациентите со Ковид, даваат помалку точни податоци за пациентите со потемна кожа.

„Ова се случува систематски ширум светот“, рече Џавид, додавајќи дека тоа е расен проблем поврзан со медицинските помагала за кои оксиметарот е добар пример.

Џавид рече дека е можно луѓето да починале од Ковид-19 како резултат на овој недостаток, но додаде дека нема „целосни факти“.

Тој рече дека причината за несовпаѓањето лежи во фактот што голем број медицински помагала, лекови, процедури и учебници доаѓаат од земји со претежно бело население.

„Сакам да се погрижам да направиме нешто околу тоа, но не само во ОК. Ова е меѓународен проблем и затоа ќе работам со моите колеги ширум светот за да го сменам ова“, рече Џавид.

Тој рече дека веќе разговарал за ова прашање со министерот за здравство на САД, кој е подеднакво заинтересиран за темата.

Џавид рече дека станал свесен за проблемот откако истражувал зошто луѓето со потемна кожа во ОК се несразмерно повеќе погодени од болеста „Ковид-19“.

Тој додаде дека една третина од пациентите, кои биле примени на интензивно лекување на КОВИД во раните фази на пандемијата, биле припадници на етничките малцинства, што всушност е двојно повеќе од нивниот удел во општата популација.

Извор: Индекс.хр