СТРУМИЧАНИ ВОЗЕЛЕ КОМБИЊА БЕЗ ДОКУМЕНТИ: Полицијата ги фати на Табановце
Објавено во: Македонија 20 Јануари, 2022
Полицијата фатила четири комбиња на влез во Македонија кои вршеле меѓународен превоз на патници без соодветна документација, соопшти полицијата.
„При контрола при влез во државата на четири комбиња за меѓународен превоз на патници, и тоа две „форд“, едно „мерцедес“ и едно „фиат“, од кои три со струмички и едно со скопски регистарски ознаки, управувани од Т.В.(25), П.В.(50), Ч.Т.(28) и М.П.(33), сите од Струмица, било констатирано дека возилата вршат меѓународен превоз на патници без поседување на соодветна документација, стои во соопштението.
Од страна на полициските службеници биле известени инспектори од Одделението за инспекциски надзор на патниот сообраќај во рамки на Државниот инспекторат за транспорт при Министерство за транспорт и врски и се преземаат мерки за комплетно расчистувањ ена случаите.