Добивај вести на Viber
Во вторник ќе се знае како ќе изгледа новиот студентскиот кампус во Велес. Компанијата „CEL. Pvt. Ltd“ треба официјално да ја презентира физибилити студијата. Според претседателот на компанијата, Гириш Чандра, новиот универзитетски кампус ќе биде место на повеќе универзитети за квалитетно образование по пристапни цени, како за Македонците, така и за останатите студенти.
Според Чандра, едукативниот кампус ќе го подобри и зголеми квалитетот на образованието и ќе произведе професионалци кои се бараат за поддршка на аспирациите за економскиот раст на Македонија.
Кампусот ќе се гради кај езерото Младост во Велес. Компанијата „CEL.Pvt.Ltd“. се развива во согласност со големите можности за развој во образовната индустрија низ светот, особено во Индија и Југоисточна Азија како брзо растечка компанија и има имплементирано проекти во Велика Британија, Канада, Соединетите Американски Држави како и во делови од Азиските земји.
,,Многу сме благодарни за помошта и поддршката која што ни ја пружи Владата на Македонија и останатите Владини агенции. Поради нивната значителна поддршка ние го достигнавме овој значаен напредок во проектот. CEL има направено и ќе продолжи да прави инвестиции во Македонија и има намера да биде партнер на Владата на различни едукативни проекти”,изјави Амриш Чандра, потпретседател на CEL Pvt. Ltd.