Субрата Рој бесплатно доби 600 квадрати среде скопскиот плоштад!

Добивај вести на Viber

Градежната парцела со површина од 621 метри квадратни спроти споменикот „Воин на коњ“ бесплатно ќе ја добие  индискиот бизнисмен Субрата Рој, пишува порталот Билд. Ваквата одлуката за подарување на атрактивната локација ја дава Министерството за култура, а истата веќе е излезена во Службен весник. Префрлувањето на сопственоста на земјиштето на компанијата „Сахара глобал“ треба да се реализира во рок од 60 дена, по што обележјето на Мајка Тереза ќе може да почне да се гради на постоечкиот пешачки коридор помеѓу хотелот во изградба „Мериот“ и планираниот хотел што треба да го гради грчкиот бизнисмен Деметрис Кондоминас. Во согласност со податоците од ДУП „Мал Ринг“, за обележјето на Мајка Тереза е дозволена максимална висина од 32 метри,  додава порталот . Изведбата на овој објект ќе ја финансира бизнисменот Субрата Рој, кој заедно претходно постави спомен плоча. Според најавите, Субрата Рој идната седмица треба да допатува во Македонија. За индискиот милијардер кој најави големи вложувања во Македонија, покренати се сериозни обвиненија во Индија каде се товари за големи долгови, a индиското регулаторно тело СЕБИ му ги блокираше сметките.