Субрата Рој ќе се враќа во Македонија, бара уште земја во Љубаништа

Добивај вести на Viber

Субрата Рој и покрај проблемите и сериозните финансиски обвинувања во родната Индија, идната недела ќе допатува во Македонија за да продолжи со инвестирање во Охрид. Исто така компанијата на индискиот бизнисмен  „Сахара Индија Паривар“, од локалната самоуправа побарала и дополнителни 17 хектари земјиште во Љубаништа, за да има доволно простор за луксузниот туристички комплекс кој сака да го гради. Ова го потврди охридскиот градоначалник Никола Бакрачески кој денеска се сретнал со неколку петставници од индиската компанијата. На кратката средба, откри Бакрачески која било изнесено барањето,  со објаснување новите 17 хектари им требаат поради сместувачките капацитети за сервисниот персонал што ќе го опслужува комплексот. „На 11 и 12 јули во Охрид ќе престојува и самиот сопственик на групацијата , Субрата Рој, кој очекувам дека ќе ми ги соопшти сите поединости околу текот на подготовките за реализација на проектот, кои верувам ќе течат во најдобар ред и дека до 2020 комплексот ќе биде изграден“, изјави за медиумите Бакрачески. Според најавите, во Охрид Субрата Рој ќе организирана свечена вечера за премиерот Никола Груевски и останати високи владини претставници, а поканети ќе биле и повеќе дипломати меѓу кои американскиот и англискиот амбасадор. Претходно охридскиот градоначалник уверување дека владата не се откажува од проектот на Субрата Рој, но најави дека големиот хотелски комплекс нема да биде  завршен во првиот негов мандат од 4 години. Според плановите, индиската компанија во Охрид треба да гради монденски туристички центар со луксузни хотели, казина, спортски терени, пристаниште, објекти за забава и рекреација, одмор, терени за голф, спа центри, марина-хотели и казино на вода на површина од 240 хектари.

Субрата Рој, иако беше претставен како милијардер и голем инвеститор, сепак на сослушувањето пред регулаторот на пазарот СЕБИ изјави дека неговиот вкупен имот што го поседува не е поскап од 1 милион долари.