Субрата Рој во Македонија, Охриѓани загрижени, домаќинот задоволен!

Добивај вести на Viber

Трет пат за помалку од една година, индискиот милијардер пристигна во Македонија. Со неколкучасовно доцнење  поради густата магла во Индија, неговиот авион Ембраер 195 слета на охридскиот аеродром. Заедно со милијардерот допатува и дваесетчлената делегација од компанијата „Сахара Индија Паривер”. Индискиот бизнисмен е заинтересиран да гради туристички комплекс на Охридското Езеро, како и огромен споменик на Мајка Тереза на плоштадот „Македонија“ во Скопје. Според најавите, заедно со својот домаќин вицепремиерот Зоран Ставрески кој ќе го придружува за време на целиот престој, тој повторно ќе ја посети локацијата каде што планира да го гради луксузниот туристички комплекс на Охридското езеро, во заливот кај автокампот „Љубаништа“. Според проектот кој неодамна беше промовиран во Македонија, комплексот „Сахаријан Македонија“ ќе се простира на површина од 240 хектари и ќе се градат повеќе содржини, како луксузен хотел на вода, вили, пристаниште, приватни плажи, казино и голф-терени. Жителите на Љубаништа во страв, што ке се случи со нивните имоти? Тоа ги подели Охриѓани. Дел од сопствениците на земјиште во близина на Љубаништа почнаа да тријат раце со желба да земат големи пари почнаа при продажба на земјата на Индиецот. Други пак се исплашија дека дека по пат за експропријација земјиштето ќе им биде земено од државата. Како што јавува А1он, досега надлежните државни институции не го прифатиле нивното барање за средба, на која сакале да побараат одговор на кој начин и дали воопшто ќе бидат обесштетени. „Не го обвинуваме инвеститорот, туку државата е таа која треба да ни каже што и како. Ако гледаме формално правно, државата е таа која земјоделското земјиште го претвора во градежно земјиште. Инвеститорот не го интересира ништо, сите имотно правни процедури ги решава државата, тој ќе дојде овде кога државата ќе му рече еве ти земјиште. Ние се плашиме дека нема да добиеме ниту еден денар за тоа земјиште кое ќе биде земено со експропријација“, реагирале жителите кои според А1он, се надеваат дека ќе успеат да остварат кратка средба со Субрата Рој додека е во Охрид. Жителите на оваа охридска туристичка населба најавија дека се во тек активности за формирање координативно тело кое ќе работи на комуникација со владата и со надлежните министерства и институции, преки кои ќе оди реализацијата на инвестицијата. Истовремено и охридскиот градоначалник Александар Петрески изрази стравување дека државата може да стави рака на имотите на Охриѓани и да направи нивна експропријација. Тој се сомнева и во вистинските намери на инвеститорот од Индија, односно убеден е дека во Љубаништа, наместо туристички комплекс ќе се градат приватни апартмани за продавање. Собранието расправа за аеродромот на вода

Најавата за индиската инвестиција во Македонија се појави истовремено со информацијата дека Министерството за транспорт и врски размислува да гради аеродром на вода во Охридското Еверо. Случајно или не, доаѓањето на Субрата Рој сенеска во Македонија се поклопи со разгледувањето на новиот Предлог законот за дополнување на Законот за внатрешна пловидба, по скратена постапка во Собрнието, со кој се создава правна регулатива за функционирање аеродром на вода.

Предлогот секако ја доби поддршка од собраниската Комисија за транспорт, врски и екологија, а  со него целосно се уредува обележувањето подрачје на аеродром на водена површина, начинот на полетување, слетување, маневрирање и оперирање во границите на аеродромот на таква површина, како и местата, начинот и условите за слетување на хидроавион вон аеродромот на водена површина.

Според образложението од Министерството за транспорт и врски Предлог законот има за цел создавање услови за зголемување на туристичката понуда со нови содржини атрактивни за туристите во државава.

Кои се плановите на Субрата Рој во Македонија?! Според најавите деталите од посетата и бројните состаноци ќе бидат соопштени утре. Она што е официјално потврдено е тоа дека Индиецот ќе се сретне и со претставници на Владата каде ќе разговара за  можностите за други економски инвестиции, меѓу кои покрај туризмот се споменуваат земјоделството и филмската индустрија. Како што објави порталот Охрид Њуз, индискиот бизнисмен треба да го посети и хотелот „Славија Спектар“, за кој претходно беше кажано дека исто така е во сферата на интересите на компанијата „Сахара Индија Паривар“. И регионот околу Галичица беше предмет на интерес на Индиецот. За време на минатат посета на Македонија, освен за во Охрид, бил заинтересиран и за изградба на хотелски комплекси  во регионот на Преспа, поточно од другата страна на Галичица. Тогаш директорот на Дирекцијата за технолошко- индустриски развојни зони, Виктор Мизо, изјави дека со оглед на тоа што се работи за другата страна на Галичица, можно е Субрата Рој да планира да ги поврзе со изградба на ски-центар на планината. По завршувањето на посетата на Охрид, Индиецот во петок заминува за Скопје,  каде ќе присуствува на поставувањето на камел темелникот за спомен обележјето на Мајка Тереза, кој ќе биде негова донација за градот. Ј.Ј.