Субвенционирањето на сончевите колектори да биде континуирано, бараат експертите
Објавено во: Економија 16 Мај, 2013
Субвенционирањето на сончевите колектори за добивање топлинска енергија да биде континуирано, а не еднаш годишно, сугерираат експертите. Така, според нив, ќе се стимулира користењето на соларното зрачање, а тоа ќе ја намали потрошувачката на струја.
Како што беше речено на денешната расправа во Стопанската комора, мора уште многу да се работи на подигање на свеста за бенефитот од соларната енергија.
- Македонија користи минимум сончево зрачаење за добивање топлинска енергија иако спаѓа во земјите со исклучително поволни услови, најдобри во регионот. Годишно имаме 1.450 до 1.700 киловат часови на метар квадратен соларна енергија, но, свесноста за нејзина употреба е многу ниска, рече проф. д-р Илија Насов, претседател на Соларната асоцијација на Македонија.
Австрија и Германија, додаде, имаат многу помалку сончево зрачење, но десетици пати поголема искористеност.
Според Насов, едуциран кадар имаме, архитекти, проектанти, градежни работници, инсталатери, но соработката меѓу нив треба да се интензивира. Нужно е и банките да обезбедат поволни кредити.
- Особено е битно потенцијалните вложувачи да знаат дека инвестицијата во сончевите колектори за топлинска енергија ќе им се врати за максимум четири до пет години, посочи професорот.
Директорот на Агенцијата за енергетика Лазар Гечевски укажа на потребата од максимално искористување на покривите и фасадите.
- Сончевата енергија за нашата држава е благодет. Македонија е втора земја во светот по Калифорнија со најквалитетeн пик и тоа треба да се искористи независно дали за топлинска или за електрична енергија, истакна Гечевски.
Одговорајќи на новинарски прашања, Гечевски рече дека со новата владина уредба која ја намали цената на струјата добиена од обновливи извори, повратот на инвестицијата во колектори, наместо 5 до 6 години се зголеми на 7 до 8
Можеби ќе ве интересира
УШТЕ ЕДНА ЗЕМЈА САКА ДА ВЛЕЗЕ ВО БРИКС: Земја сојузник на Путин
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
Скопска топилница по 13 години повторно почнува со работа? Ќар ќе имаат само локални и регионални бизнис играчи
АРХИТЕКТОНСКО ЧУДО КОЕ ГО ИМПРЕСИОНИРА СВЕТОТ ВЕЌЕ 24 ГОДИНИ: Мост кој се претвора во подводен тунел и излегува во друга земја
