СУСПЕНЗИЈА: Полицајците кои го тепаа братот на Вучиќ нема да поминат неказнето?

Добивај вести на Viber

Иако српскиот премиер Александар Вучиќ вчера најави дека неговиот брат Андреј нема да поведе постапка против припадниците на српската Жандармерија кои го претепаа него и припадниците на премиерското обезбедување, вчера, сепак министерот за внатрешни работи Небојша Стефановиќ наредил итно да се спроведе истрага со која ќе се откријат полицајците кои употребиле пркеумерна сила. Припадниците на Жандармеријата кои учествувале во инцидентот најверојатно ќе бидат суспендирани додека трае истрагата против нив. „Во консултација со командантот на Жандармеријата и директорот на полицијата наредив да се спроведе истрага. Ќе имаме извештај што се случило и веројатно ќе ги суспендираме тие луѓе до завршувањето на истрагата. Само мораме да ги идентификуваме, според снимката, сите кои учествувале во инцидентот“, вели Стефановиќ. Тој не сакал да открива детали од инцидентот што се случи вчера за време на Парадата на гордоста во Белград, но наведе дека станувало збор за единица од Ниш. „Не мислам дека постои оправдување за такво однесување. Од снимките се гледа дека тие ја пречекоруваат нужната употреба на сила кон лица кои не употребуваат таква сила кон полицајците и за тоа нема оправдување“, вели Стефановиќ. Ова е снимката што ќе се користи во истрагата: (ВИДЕО) Погледнете како полицијата го претепа братот на српскиот премиер Вучиќ!