„Свети Трифун“ дојде, а лозарите уште не можат да си ги земат парите од визбата Винеа!

Добивај вести на Viber

Со симболично закројување на виновата лоза во чест на православниот христијански празник Свети Трифун, денеска лозарите од цела Македонија, ќе го означат почетокот на новата лозарска реколта. Според традиционалните обичаи, земјоделците лозата ја полеваат со вино и ракија за богат род, бериќет и заштита од суша и мраз. Но и оваа година како и минатата дел од лозарите ќе празнуваат и новата реколта ќе ја започнат со парите од исплатеното грозје, а дел од нив со празни џепови. Лани лозарите од Тиквешијата на овој ден протестираа поради неисплатеното грозје и субвенциите, оваа година слична судбина ги снајде лозарите кои своето грозје  го имаа предадено во винарската визба “Винеа”, а пари сеуште немаат земено. Наместо да се подготвуваат за кроење на лозата, тие десеттина дена протетираат и бараат средба со ресорниот минитер. -Бараме исплата на предаденото грозје во визбата “Винеа” од 2009,2010,2011 и  2012 година. Постојано ветуваа дека ќе платат, но ништо од тоа, само лажни ветувања. Никој ништо не ни кажува, ниту пак дојде некој од институциите. Ние од грозјето живееме, тоа ни е единствената егзистенција.Треба да се подготвуваме за новата реколта, да кроиме ама со кои пари?- беа дел од коментарите на лозарите. Визбата “Винеа“ им остана должна 600 илјади евра на производителите на грозjе за откупеното грозје во 2009, 2010 и дел од 2012 година. Mинистерот за земјоделство,шумартво и водостопанство Љупчо Димовски, дури ден пред закројувањето лозјата, им вети на лозарите дека ќе ги поддржува нивните барања. Визбата, согласно Законот за вино, до МЗШВ доставила нотарски заверена изјава дека ги има подмирено обврските кон производителите. Сопствениците сега, рече министерот, треба да бидат одговорни и она што го имаат ветено, да го реализираат. -  Сега имаме чиста ситуација, сопственикот се обврзува дека ќе го исплати грозјето. Ќе се потрудиме динамиката да биде согласно барањата на производителите. Министерството веќе постапува според ингеренциите и предметот се процесуира-изјави Димовски „Винеа“ е последната винарска визба што има обврска кон лозарите, винарската визба Повардарие сеуште го иплаќа грозјето о 2012 година, а ругите винарии веќе имаат авршено со иплатата.Според новите измени на Законот за вино,сите откупувачи е должни да ги исплатата количините грозје од тековната година  до 30-ти април. Македонија има над 40 милиони евра девизен прилив од лозарството Лозарството е една од главните извоно ориентирани гранки во земјава. Последните години не може да е пофалиме со зголемување на на лозовите површини, кои од некогашните 27.000 хекатри сега е намалени на близу 20.000 хектари. Едноличниот сортимент и староста на насадите остануваат рак рана на оваа земјоделска гранка, иако Македонија има идеални услови за производство на високо квалитетно грозје и вино, кое е барано на странските пазари. Најзастапени сорти се смедеревката и вранецот. Во земјава има над 80 винарски визби. Поголемите винарии имаат свои насади и постојано вложуваат во сортиментот на грозјето, новите технологии за производство на квалитетно вино, а и лозарите кои имаат склучено договор со нив имаат обврска да произведуваат квалитетно грозје. Цената на смедеревката изнесува 10 денари за килограм, за вранеот 12 денари за килограм, а лозарите добиваат и субвенција за предаден килограм грозје во домашна винарска визба. Годишното производство на винско грозје е движи од 100 до 150 милиони килограми од кое се произведуваод 90 до 100 милиони литри вино. Најголем дел од виното и понатаму се извезува како наливно, а не флаширано, иако визбите добиваат субвенции за извезено вино во шише. Но и покрај тоа  извозот на вино бележи пораст. По 2011 година која беше забележана како рекордна по пласманот на вино во последните 20 години,  податоците за минатата 2012 година се дека  извозот на виното е зголемен за околу 18 отсто, а остварениот девизен прилив за 25 проценти споредбено со претходната година. Ј.С