Светлан Стоев споменува промена на македонскиот Устав за решавање на проблемите
Објавено во: Македонија 23 Јули, 2021
Од бугарска страна има повик за продолжување на дијалогот. Вршителот на должноста бугарски министер за надворешни работи Светлан Стоев вели дека дијалогот меѓу Македонија и Бугарија мора да продолжи.
Додава дека бугарското Министерство за надворешни работи треба „да добие поширока рамка за водење на процесот на преговори“.
Стоев нагласи дека на средбите со претставници на земјава за време на Форумот во Дубровник, бугарскиот заменик министер за надворешни работи Румен Александров предложил разговорите меѓу Бугарија и Северна Македонија да продолжат и да не се губи време во билатералниот дијалог.
„Александров во моментов е во Словенија, каде што е и македонскиот вицепремиер Никола Димитров и доколку побара, тој може да се види и да разговара со неговиот бугарски колега. Емоциите се пречка, треба де се гради прагматична политика меѓу Бугарија и Северна Македонија“, изјави Стоев.
Тој рече дека промена на Уставот на Северна Македонија е еден од начините за решавање на проблемите со припадниците на бугарската национална заедница во земјата.
Во Бугарија неодамна се одржаа избори и сега се чека формирање на Влада. Бугарскиот претседател, Румен Радев, на почетокот на консултациите со партијата што победи на парламентарните избори „Има таков народ“ ја поздравува нивната одлука за отворање дијалог со другите партии.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
