Светот со 870 милиони гладни луѓе

Добивај вести на Viber

Во светот има над 870 милиони гладни луѓе. Најлоша е состојбата во Јужна Азија и супсахарска Африка, стои во извештајот на Меѓународниот институт за истражување од Вашингтон објавен во пресрет на Светскиот ден на храната 16 октовмри. Повеќе од 120 земји во развој  учествувале во истражувањето чии резулати денес стојат во извештајот. Во текот на испитувањата, земени се три фактори: процентот на недоволно нахранети од вкупното население, процентот на деца под пет години со премала телесна тежина и стапката на смртност кај истата возраст. Во периодот од  1990 и 2012 година. во 50 земји е намален бројот на гладните за 50%. Меѓу нив се и Ангола, Бангладеш, Етиопија, Малави, Никарагва, Нигер и Виетнам. Сепак алармантна е состојбата  во Бурунди и Еритреја, како и на Хаити. Над половина од населението во овие земји е гладно. Во уште 17 други земји, особено оние од Јужна Азија и супсахарска Африка. Северна Кореја е во страотна ситуација од 1990 година, па наваму состојбата во оваа земја е многу влошена. Но има и земја која го подобрила својот развој, Гана во оваа земја постои “добро лидерство кое во голема мера помогна да се подобрат условите за живот.”