Давос 2013:Примерот на шведската социјална политика-спас за невработеноста!

Добивај вести на Viber

Од Светски економски форум во Давос стигнаа пофалби за Шведска и за нејзиниот премиер Фредрик Рајнфелд поради одличната социјално насочена политика во земјата.

Имено, Шаран Буров, генерален секретар на Меѓународната синдикална конфедерација кој е редовен учесник на Форумот, но и позната по своите остри критики против влади и компаниите поради недостиг од волја да се интензивира борбата против невработеноста, годинава излезе до пофалби.

„Моментно има само неколку земји во светот каде што владите водат социјален дијалог со синдикалните и други организации. Тоа се однесува на Шведска, а во истата група се вборјува и Бразил, мојата татковина Австралија и другите нордиски земји“, рече Буров.

Таа исто така нагласи дека Шведска има социјална заштита која недостасува во мнозинството земји во светот. Шведскиот премиер Рајнфелд, кој исто така учествуваше во дебатата, по настапот на Буров доби благодарна задача да образложи како функционира шведската владина политика и да укаже дека тој тежнее кон т.н. работен пакт со работодавачите и синдикатите.

Во своето излагање Рајнфелд посебно се осврна на разните начини за кои се залага шведската Влада, меѓу другото преку образование, да се интензивираат напорите за отворање повеќе работни места за младите.