Светското во Бразил урива рекорди на интернет!

Добивај вести на Viber

Светското фудбалско првенство во Бразил ќе стане спортски настан со најголемо присуство на социјалните мрежи, пишува во резултатите од онлајн маркетинг студија на Digital Index на компанијата Adobe, пишува CNN Money. Фудбалскиот шампионат, кој ќе трае еден месец, веќе ги надмина Зимските олимписки игри во Сочи и финалето на шампионатот во американски фудбал Супер Боул, што се однесува до неговото присуство во социјалните мрежи. Најпознатите фудбалери, како напаѓачот на репрезентацијата на Португалија - Кристијано Роналдо, се спомнуваат милиони пати на мрежата секој ден. Од почетокот на годината Светското првенство во фудбал е споменато 19 милиони пати во блогови и социјални мрежи. Меѓу избраните издвојуваат Facebook, Google+, Reddit, Twitter, Instagram и YouTube. Дискусијата е по глобална од оваа за Олимпијадата во Русија, велат од Adobe. Луѓето од Јапонија се најпосветените коментатори, тие се одговорни за речиси две од секои пет споменувања. САД е токму по Бразил - американските потрошувачи придонесоа со 8% од сите позиции поврзани со Светското првенство во фудбал. Ставот на земјата домаќин се одразува и на расположението на улиците на Сао Паоло, каде демонстрантите покажуваат несогласување со цената, која Владата ја плати за организирање на Светското првенство - 11 милијарди долари. Од Adobe прецизираат дека 42% од натписи поврзани со игрите, изразуваат чувство на "тага, бес и гадење." Фудбалските натпревари од Светското првенство во Бразил се очекува да привлечат и рекорден интерес на телевизија. Според експертите, тие ќе бидат гледани од вкупно 3.6 милијарди луѓе. К.К.