СЗО предупреди дека имунизацијата може да биде загрозена од недостиг на шприцови
Објавено во: Свет, Корона Вирус 09 Ноември, 2021
Прво недостасуваа маски, а сега се заканува нов проблем, велат од Светската здравствена организација (СЗО).
Во 2022-ра година би можело да дојде до недостиг на една до две милијарди шприцови потребни за вакцина против коронавирусот. СЗО додава дека тоа би можело да влијае на рутинската имунизација. Националните здравствени власти однапред би требало да ги планираат своите потреби за да избегнат „натрупување, панично купување" и слични ситуации видени на почетокот на пандемијата со недостигот на личната заштитна опрема.
Глобално се дадени околу 6,8 милијарди вакцини против коронавирусот, што е скоро двојно повеќе од бројот на рутински вакцини.