СЗО засега не поддржува воведување на ковид пасоши
Објавено во: Свет, Корона Вирус 04 Март, 2021
Иако дел од европските лидери, веќе се изјаснија дека сакаат воведување на ковид пасоши, сепак Светската здравствена организација (СЗО) во овој момент не им препорачува на земјите да воведуваат специјални сертификати за луѓето кои се вакцинирале против коронавирусот. Ова го изјави претставничката на таа организација Мелита Вујновиќ.
Германската канцеларка Ангела Меркел минатата недела изјави дека лидерите на Европската Унија се согласиле за неопходноста за воведување на сертификат за вакцинација. Шефицата на Европската комисија Урсула фон дер Лајен изјави дека ЕК планира во март да претстави нацрт-закон за електронски пасош за вакцинација, кој ќе овозможи да се евидентираат вакцините, резултатите од тестовите за ковид-19 или тоа дали лицето ја прележало болеста. Официјална Москва соопшти дека воведувањето ковид-пасоши на територијата на Европската Унија би било спротивно на принципот на доброволна вакцинација. Грција исто така меѓу првите земји ја заговара идејата за ковид пасоши.
Во Европа расте бројот на заболени од коронавирусот. Бројот на новозаразени со коронавирус e зголемен за девет проценти во 53 европски земји, соопштија денеска од Светската здравствена организација (СЗО). Регионалниот директор на СЗО за Европа, Ханс Клуге изјави дека минатата недела имало повеќе од милион случаи. Вели дека скок се забележува во Централна и Источна Европа, но и некои западноевропски земји имале зголемување на бројот на инфицирани.
foto EPA-EFE
Можеби ќе ве интересира
ПИШУВАЛА АНТИВОЕНИ ГРАФИТИ: Руска тинејџерка е осудена на 3.5 години затвор
Ќе бидат потребни 14 години да се отстранат урнатините во Појасот Газа, вели официјален претставник на ОН
КИНА И САД ТРЕБА ДА БИДАТ ПАРТНЕРИ, НЕ РИВАЛИ: Кси Џинпинг го пречека Блинкен
„КРАЛОТ ЧАРЛС Е ВО МНОГУ ПОЛОША СОСТОЈБА ОТКОЛКУ ШТО СЕ ПРИКАЖУВА ВО ЈАВНОСТА“: Погребот активно се планира
Официјално: Тенковите „Абрамс“ тргнати од првата борбена линија
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
ЌЕ ГИ ОГРАНИЧАТ ОДНОСИТЕ СО ПУТИН: Европскиот парламент ги прогласи изборите во Русија за нелегитимни
(ВИДЕО) УКРАИНКА САКАЛА ДА ГО ПРОДАДЕ СИНОТ: Со парите кои планирала да ги земе сакала да почне бизнис
КАН ЈУНИС: Колку тела се најдени во масовната гробница?
