Табеларен приказ: Геополитиката не влијае на пазарот?

Добивај вести на Viber

Иако геополитичките тензии продолжуваат да се вжештуваат на глобално ниво, инвеститорите се чини дека ги оставија зад себе недоразбирањата и можните ризици - тренд кој сепак не е непознат за пазарите. “Можете да се обидете да заборавите дека светот е навистина ужасно место во моментов ", рече Мајкл Кембалест, глобален шеф на единицата за стратешки инвестиции во JPMorgan Asset Management, повикувајќи се на ситуацијата околу Украина, конфликтот во Газа, граѓанските војни во Сирија, Авганистан, Ирак и Сомалија, како и на немирите во Нигерија и Мали. "Колку и чудно да изгледа слични конфликти не се одразуваат многу на големите пазари на капитал во светот", истакнува тој, додавајќи дека тоа не е "ништо ново". Земјите кои во моментов се поле на воени дејствија, претсатвуваат одвај 0,7% од светскиот пазар на капитал, 0,4 отсто од инвестициските текови и 0,8 отсто од корпоративните профити. "Од 1950 година, со исклучок на Арапско-израелскиот конфликт од 1973 година, кој доведе до нафтеното ембарго спрема САД и ја покачи четири пати цената на нафтата, воените судири не влијаат трајно на американските пазари на капитал", бизнис циклусот е поважен фактор за инвеститорите отколку војните", додава експертот. Други аналитичари се согласуваат дека инвеститорите биле во право кога го превидивиделе геополитичкиот шум во минатото, но не се толку сигурни дека тоа е најдобар пат понатаму. "Најправилната стратегија во последните 30-40 години во голема мера беше да се деградираат овие настани", изјавил Виктор Шветс, раководител на одделението за истражување за Азија во Macquarie. "Ситуацијата ќе се задржи во наредните 5-10 години, без разлика дали тоа е вистинска стратегија. Според мое мислење не е", додал тој. "Геополитички ризици ќе се задржат многу поголеми, за многу подолго", изјавил Виктор Шветс. "Не е важно дали ќе биде Газа, Русија, Тајланд или Индија. Тие ќе бидат насекаде во речиси секој еден растечки пазар", коментира уште експертот. К.К.