Табеларен приказ: Жедта на Европа за руски гас
Објавено во: Анализа 26 Јули, 2014
Европските лидери се под притисок од САД да ги зголемат санкциите против Русија по трагедијата на Malaysia Airlines, пишува CNN.
САД најавија проширени санкции против две банки, две енергетски компании, сепаратистите во Украина и одбранбени компании.
Министрите за надворешни работи на ЕУ одлучија да воведат нови санкции против руски официјални лица кои се сметаат за одговорни за дејствата на Русија во Украина, соопшти во средата холандскиот министер за надворешни работи Франс Тимерманс. До крајот на месецот може да се одржи вонредна средба на која ќе се воведат санкции врз цели сектори од руската економија.
Во минатото сепак Унијата ги избегнуваше санкциите во американски стил против клучните сектори на руската економија. Како причина за тоа се посочува фактот дека многу држави во Европа зависат силно од рускиот гас и од трговијата со земјата.
CNN објави карта на гасната зависност на различните земји, која ги покажува основните гасоводи, кои минуваат низ Украина.
К.К.
