ТАМАРА СЕ ИЗВИНИ: Од еуфорија ја заборавила химната
Објавено во: Македонија 04 Јули, 2019
По критиките во јавноста за испуштање на делот од химната каде што се спомнува Гоце Делчев, Питу Гули, Јане Сандански и другите македонски херои, од стана на Тамара Тодевска на синоќешната прослава во американската амбасада, по повод независноста на САД, пејачката се огласи на својот фејсбук профил.
„ Дозволете ми од дното на моето срце да ви се извинам за вчерашната грешка.
Не постои поголема чест за еден уметник од пеењето на националната химна и токму поради тоа и ја прифатив поканата од амбасадата на САД.
Не постојат зборови со кои можам да ја опишам мојата тага поради пропустот што го направив при пеењето на химната.
Понесена од емоции и од целокупната еуфорија, за жал, ненамерно изоставив дел од химната.
Уште еднаш ви се извинувам за оваа грешка и се надевам дека ќе најдете простор во вашите срце да ми простите.
Со почит, Тамара“, напиша пејачката.
Реакциите на социјалните мрежи не стивнуваат и продолжуваат под нејзиното извинување.