ТАВ ги сака аеродромите во Њујорк и Истанбул

Добивај вести на Viber

Турскиот оператор на аеродроми ТАВ, кој ги управува и скопскиот и охридскиот аеродром, планира заеднички да конкурира за правото за управување на аеродромот „ЛаГвардија“ во градот Њујорк на конкурсот за претквалификација заедно со својот партнер „Аеропор де Пари“, пренесува Блумберг. - Заедно со АДП ќе конкурираме за претквалификација за правото на управување со аеродромот „ЛаГвардија“ – изјави главниот извршен директор, Сани Сенер, за „Ројтерс“ во текот на посетата на француската деловна делегација на Истанбул. Аеродромот е централен хаб на авиокомпанијата „Делта ЕрЛајнс“ и во 2011 од него полетаа и слетаа 24,1 милиони патници. Тав е заинтересиран за управува и со третиот истанбулски аеродром. Покрај ТАВ, заинтересирани се и „Лимак Холдинг“, кој оперира со вториот аеродром во градот „Сабиха Гикчен“ и кој го доби тендерот за изградба на подземна сообраќајница и згради по Јужниот булевар во Скопје, а за аеродромот интерес покажува и „Аларко Ходлингот“, меѓу другите. Сепак, пазарите сметаат дека има само еден веројатен победник на овој тендер, а тоа е ТАВ. Токму затоа изјавата на министерот Јилдрим ги крена акциите на компанијата на највисоко ниво во период од 5 години, при што тие пораснаа за 1,5 отсто до 10,20 турски лири на берзта во Истанбул, извести „Блумберг“.