Техеран: Дефинитивен договор за нуклеарното прашање само со откажување на санкциите

Добивај вести на Viber

Иран ќе го потпише конечениот договор за нуклеарното прашање со шестте големи сили само со откажување на сите наметнати санкции против Техеран во врска со спорната нуклеарна програма. Тоа го изјавил во телевизиското обраќање иранскиот претседател Хасан Рохан.

„Нема да потпишам никаков договор, освен ако уште истиот ден не бидат повлечени сите санкции ... Сакаме таков договор, од кој сите страни во преговорите ќе се профитабилни", ијзавил Рохан.

Претходниот договор меѓу Иран и шестте светски сили (петте постојани членки на Советот за безбедност на ОН плус Германија), што беше постигнат минатата недела во Лозана, ја оживеа надежта за крај на санкциите во замена за ограничувања на иранската нуклеарна програма.

Крајниот рок за склучување договор е 30 јуни, а во следните денови се очекува Иран и шесторката да одржат средба на која ќе го разгледаат конечниот договор.

Во својот говор Рохан, исто така, додал дека Саудиска Арабија треба да ја запре континуираната веќе две недели кампања на воздушни напади против шиитските бунтовници хуси и изјави дека земјите во регионот треба да работат за прекин на завојуваните сили во Јемен и да се преговара за истата.

„Голема земја како што е  Јемен нема да отстапи пред бомбардирањата. Ајде, ајде сите да размислиме за прекин на војната. Да размислиме за прекин на огнот“, посочил Рохан. „Да се подготвиме за да ги доведеме Јеменците на масата за преговори, за да се донесат одлуки за својата иднина“.