Технометал-Вардар очекува 20.000 евра профит годинава

Добивај вести на Viber

Компанијата за увоз-извоз, Технометал-Вардар годинава очекува да направи промет од 4 милиони евра. Управниот Одбор на компанијата вкупните приходи ги проектира на 1,92 милиони евра, додека расходите на 1,90 милиони евра, при што очекува 2013 година компанијата да ја заврши со добивка од 20.000 евра. Проекциите за работењето на Технометал-Вардар и годинава зависат од макроекономските движења, велат од компанијата. „Во делот на слабостите и проблемите со кои се соочува Друштвото влегува намалениот обем на работење во делот на услугите, со намален број на корисници во Дисконтниот центар поради намалената економска и куповна моќ. Во делот на расходите преземени се низа мерки за намалување на редовните оперативни расходи на компанијата, но се уште е присутен проблемот на високата цена на финасискиот капитал и високите каматни стапки на краткорочните и долгорочните кредити на друштвото, што значајно ги зголемуваат расходите и влијаат на профитабилноста“, велат од Управниот Орбор на Технометал-Вардар. Од компанијата очекуваат дека годинава ќе ги зголемат приходите од продажба на домашниот и странските пазари, а најавуваат и можни инвестициски зафати и нови проекти во соработка со производните капацитети во земјава и регионот.