Добивај вести на Viber
Во присуство на државниот врв, италијанската компанија „Текнохозе“ или кај нас регистрирана како „Витек Македонија“ ставање камен-темелник на вториот објект. Се гради во индустриската зона во Бунарџик, а во фабриката ќе се произведуваат армирани гумени црева за висок притисок.
Премиерот Никола Груевски, кој беше на поставувањето темелник, вели дека „Текнохозе“ е прв странски инветитор кој за само една година решил повторно да инвестира во нашата земја, додека Џонсон Контролс на пример, ваква одлука носи по дури четири години од првата инвестиција, Џонсон Мети по две години, а Текнохозе, вели Груевски реинвестирање по само една година.
Ова, за премиерот, е силна препорака за сите инвеститори.
„Со новата фабрика која ќе се гради на овој простор „Витек Македонија“ двојно ќе ги зголеми своите капацитети и тројно ќе го зголеми своето производство. Со тоа ќе го зголеми и сопствениот извоз, но и извозот на Република Македонија“, речеГруевски.
Погонот ќе има површина од 12.000 метри квадратни од кои 8.500 ќе бидат за производство, а 3.500 магацински простор. Се прават две рампи за утовар меѓу сегашниот и новиот објект, а градбата ја прави фирмата „Актива ДОО Штип“. Новата инвестиција се проценува на 11 милиони евра, а треба да биде готова до декември 2015 година.
Како што појасни Антонио Витило , сопственик на „Витек Македонија“ првата инвестицијачинела пет милиони евра и биле вработени 35 лица кои произведувале по 15.000 метри армирани гумени црева дневно. Во втората фаза, рече тој за време на свеченоста, производството ќе се зголеми на 45.000 метри армирани гумени црева дневно до 2015 година, поради нарачките на клиентите.
Првиот објект на „Витек Македонија“има површина од 3.000 метри квадратни, а заедно со новиот објект компанијата ќе вработи вкупно околу 200 лица.
„Текнохозе“ е членка на Групацијата „Витило“ која има два правни субјекта „Групо Витило СРЛ“ што се занимава со производство и продажба на хидраулични спојки под висок притисок и „Текнохозе СРЛ“ за производство на армирани гумени црева. Групацијата има годишен обрт од 36 милиони евра и шест фабрики со околу 200 вработени во Италија. Во новиот објект во Македонија, треба да се примат на работа околу 150 лица.