ТЕЛЕФОНСКИ ЌЕ БИДАТ ПОВИКУВАНИ ДА СЕ ВАКЦИНИРААТ, АКО НЕ ГИ ДОБИЈАТ ЌЕ ИМ ОДАТ ДОМА: Нова ригорозна одлука во Хрватска

Добивај вести на Viber

Матичните лекари во Хрватска добија нови упатства за организацијата и распоредот на работа кога станува збор за вакцинација на пациентите против корона вирусот.

Министерството за здравство испратило допис до матичните лекари со нови упатства, пишува Дневник.хр. Доколку пациентот ја одбие вакцинацијата, тоа им се впишува во здравствениот картон.

Во одлуката на здравствените власти, ова е посебно нагласено. Министерството за здравство, односно министерот Вили Берош вчера донесе решение со кое бара од матичните лекари во рок од 15 дена да ги контактираат сите пациенти над 65 години и да ги повикаат да се вакцинираат.

Доколку не успат да стапат во контакт со телефонски повик, тие ќе одат во нивниот дом. Тоа треба да го направат во рок од 30 дена, односно да ги посетат пациентите во домовите со медицинска сестра и, доколку пациентите се согласат, да ги вакцинираат.

„Нашата цел е да ги заштитиме нашите постари лица, лицата над 65 години. 40 отсто од нашите сограѓани над 80 години не се вакцинирани. Кај оние над 65 години, 31,3 отсто не биле вакцинирани. Станува збор за 267.176 наши сограѓани. Ова се најекспонираните луѓе. Затоа, од суштинско значење е да се дојде до овие пациенти.

Тој додаде дека лекарите ќе треба да го информираат Министерството за се што е направено.

„Ова го правиме за да ги спасиме сите што можеме да ги спасиме. Нашите сограѓани, особено постарите, им веруваат на своите лекари. Верувам дека ќе надвладее разумот и дека ќе го зачуваат своето здравје, ова е неопходен чекор“, рече Берош.

„Во изминатата недела починаа 177 лица на возраст над 65 години, од кои 97 не се вакцинирани“, додаде тој на крајот.