Телма-Случај „Рекет“: Битолски бизнисмен платил 750 илјади евра за идеја за социјални станови
Објавено во: Македонија 28 Јули, 2019
Првата сомнителна трансакција поврзана со рекетот се случила есента 2017-та година, потврдуваат за Телма од повеќе институции задолжени за откривање на криминал.
Трансакцијата, како што се наведува не била сомнителна само поради висината на префрлената сума од 750 илјади евра. Дополнително сомнеж предизвикале учесниците во трансакцијата, позната градежна фирма чиј сопственик е од Битола уплатил 750 илјади евра на сметка на повозрасна жена која живеела во центарот на Скопје. Жената била дел од структурите на Меѓунаордниот сојуз, хуманитарната организација основана само неколку месеци претходно од Бојан Јовановски-Боки 13.
Кога парите легнале на сметката, банката согласно законските обврски за спречување на перење на пари ги алармирале надлежните финансиски истражни органи. Тие отвориле постапка. Бабата на чија сметка стигнале парите пак заминала во една експозитура откако во централата на банката најавила подигање на целата сума...